La vila d’Hòs (Comenge) e la Val d’Aran, amb lo sosten del Conselh General d’Aran e de la comunautat de comunas del canton de Sant Biat, commemòran uèi lo 500n anniversari de la signatura del Tractat de Lias e Patzerias del Plan d’Arrem. Aquela jornada istorica se debana en la comuna d’Hòs, dins la sala de las fèstas e al luòc dich “lo Plan d’Arrem”, a la frontièra amb la Val d’Aran.
Al programa, inauguracion d’un monument a qualques mètres de la frontièra en preséncia de las autoritats aranesas e comengesas, conferéncias istoricas e animacions.
Lo Tractat de “Lias e Patzerias” del Plan d’Arrem foguèt signat lo 22 d’abril de 1513, en plen periòde de conflicte entre Espanha e França, per restablir localament la patz e la collaboracion entre las valadas vesinas d’Aran: Ribagòrça e la Val de Benasc (Aragon), lo Bacin de Tremp (Catalonha), Coseran (Arièja), Comenge (Nauta Garona) e la Val d’Aran.
Aquel tractat fa partida dels elements fondadors d’una identitat pirenenca e tanh los dreches de passatges, lo partatge, los pasturatges e l’aiga. Es encara aplicat.
La jornada commemorativa es organizada per l’ofici de torisme de las Valadas de Sant Biat, amb la participacion de nombrosas personas fisicas e moralas dels dos costats de la frontièra.
Diluns, lo jorn precís de l’anniversari, que ven ne seguirà una emission especiala sus Ràdio Val Pireneos.
Extrach del tractat:
...Item. es Estat articulat entre la ditas partides/quen temps de guerre lous habitants de tous/lous pais dessus dicts tant d’un estrem/que dautre pouiran conversar y communicar ensemble/et fer les feits de marchandises comme dit/es dessus, lous uns dap lous autres ainsin/Comme sy ero bonne pats, Et pouiran anar/sous de la part de France et deus pais dessus/dits en las terres deu Rey dAragon.../
...Pareillement, que deu reaume d’Aragon/compreses en la presente surceance Et/capitulacion pouiran anar franquemen et/quitemen entre Sarrancoly per toutes/las valees doueieil louron, larboust, luchon/et frontignes entre a la ciutat Sainct lize/Ville de Sainctgirons viscontat de Couserans/Et per toute la castelanie de Castillonnes.../
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La comuna de Hòs non a sonque dus cents cinquanta abitants, mes o mens. Parlar de vila aquiu qu'ei exagerat, ça'm par.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari