En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista Joan-Miquèu Espinasse sus sa conferéncia “Bodegas occitanas pels nuls” que se tendrà los 20 e 21 de genièr al Teatre dels Grands Enfants de Cunhaus (Tolosan).

Divendres e e dissabte que venon, Joan-Miquèu Espinasse farà part de sa sciéncia al public del Teatre dels Grands Enfants de Cunhaus, en Tolosan. D’efièch, aquel ensenhaire a la vila donarà sa conferéncia entitolada “Còrnamusas occitanas peus nuls”, los 20 e 21 de genièr. En mai de presentar son instrument de predileccion, ne profiècha per contar los diferents mites e legendas que pòblan la cultura d’Armanhac e de Gasconha en general.