Actualitats
Se n’es anat Pau Fabre, erudit e vulgarizaire de la matèria occitana
Foguèt l’autor de nombroses estudis de toponimia e d’antroponimia, d’obratges de lingüistica e de publicacions consagradas a la literatura occitana
Tèxte legit
Dijòus passat, nos daissèt Pau Fabre a 87 ans. Escrivan e professor pendent longtemps a l’Universitat Pau Valèri de Montpelhièr, foguèt l’autor de nombroses estudis de toponimia e d’antroponimia, d’obratges de lingüistica e de publicacions consagradas a la literatura occitana. Sas funeralhas se tendràn dimècres que ven a Alès (Cevena Lengadociana) a 10 oras a la glèisa de Sant Josèp, çò rapòrta la FÈLCO.
Nos daissa una bibliografia subrerica tant d’obratges coma d’articles, e mai foguèt director de la colleccion “Pichòts classics occitans” editada pel Centre d'Estudis occitans de l'universitat montpelhierenca. Son darrièr obratge, Passejadas toponimicas, se publiquèt en novembre passat a Letras d’Òc. Se tracta d’un obratge de toponimia occitana escrich en occitan de cap en cima, çò qu’es novèl e signe de la dignitat de la lenga que pòt èsser, de vertat, lenga d’estudi e de descobèrta.
Nos daissa una bibliografia subrerica tant d’obratges coma d’articles, e mai foguèt director de la colleccion “Pichòts classics occitans” editada pel Centre d'Estudis occitans de l'universitat montpelhierenca. Son darrièr obratge, Passejadas toponimicas, se publiquèt en novembre passat a Letras d’Òc. Se tracta d’un obratge de toponimia occitana escrich en occitan de cap en cima, çò qu’es novèl e signe de la dignitat de la lenga que pòt èsser, de vertat, lenga d’estudi e de descobèrta.
 | FABRE, Pau. Passejadas toponimicas. Letras d’Òc, 2022. 216 paginas, 22,50 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Benlèu mas l'article remanda a un autre de la FÈLCO que presenta l'autor d'un biais mai complet.
Al risque de me fa prene ieu tanben per un troll, tròbi que l'article nos ditz pas grand causa sus aquel òme e sus son òbra.... Un sol titol de toponimia es citat es un pauc cortet per meritar un laus , non ?
#3 As rason mas ailàs per d'unes far lo tròl repotegaire de Jornalet lor sembla una sana ocupacion. Damatge.
#2 Adieu, caduna e cadun se pòt exprimir dins las colomnas de Jornalet, se volètz mandar un article mai desvolopat sus aquel òme e la siá òbra, aquò serà amb grand plaser, l'amic, que serà publicat.
Un grand universitari, domatge que l'article de jornalet balhe qu'un piètre rebat de son òbra de cercaire e de vulgarisacion
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari