Actualitats
Plasença de Toish: entèrran definitivament lo projècte Val Tolosa
Après de 17 ans de combat judiciari, lo Conselh d’Estat ven de confirmar que lo projècte de centre comercial sul platèl de la Menuda se farà pas
Tèxte legit
Es definitivament enterrat lo projècte Val Tolosa, un polemic projècte de centre comercial de 64 000m2 e d’una estrada sul platèl de la Menuda, a Plasença de Toish (Tolosan), çò rapòrta Touléco. Lo 27 de decembre, lo Conselh d'Estat confirmèt l'anullacion de l'arrestat prefectoral de 2013 qu’autorizava la destruccion d'espècias protegidas. “Avèm menat un maraton pendent 17 ans, un combat de long alen. Ara, sèm al cap del cap. Avèm ganhat a l'usura”, çò se regaudís Patrick Gaborit, copresident del collectiu Non a Val Tolosa.
Lo projècte qu’an capitat a arrestar èra promogut per la societat Unibail-Rodamco Westfield, e prevesiá la bastison d’un centre comercial de mai de cent botigas sus 60 000 m2 e una estrada d’accès. En julhet de 2019, lo Conselh d’Estat aviá ja considerat lo projècte de “non-interès public màger” mas Unibail-Rodamco Westfield abandonèt pas e depausèt un recors, qu’en decembre de 2020 lo rebutèt la cort administrativa d’apelacion de Bordèu. Ara, enfin, lo Conselh d’Estat ven d’enterrar definitivament lo projècte.
Lo projècte qu’an capitat a arrestar èra promogut per la societat Unibail-Rodamco Westfield, e prevesiá la bastison d’un centre comercial de mai de cent botigas sus 60 000 m2 e una estrada d’accès. En julhet de 2019, lo Conselh d’Estat aviá ja considerat lo projècte de “non-interès public màger” mas Unibail-Rodamco Westfield abandonèt pas e depausèt un recors, qu’en decembre de 2020 lo rebutèt la cort administrativa d’apelacion de Bordèu. Ara, enfin, lo Conselh d’Estat ven d’enterrar definitivament lo projècte.
Les espèces protégées font tomber le projet de centre commercial Val Tolosa #EspècesProtégées#ValTolosa@Conseil_Etat@CAABordeaux@GardaLaMenudahttps://t.co/qySnpAlA2Q
— Actu Environnement (@Actuenviro) January 5, 2023
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Ne cal assabentar Jornalet, se ne sabètz mai. Perqué non ne far qualque article ? Nos interèssa !
Pecat de pas metre en relèu lo nom de l'associacion que faguèt faire mèca al projècte : GARDAREM LA MENUDA !
Un pichòt pas per recuperar un mond uman.
Lo camin es long que de projèctes de betoniazacion n'i a de molonadas e ne sortisson cada jorn. Mas, encara que pichòta, una victòria sus aqueles sauvatges que s'acarnisson a destrusir lo vivent es de celebrar : òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari