Actualitats
Lo govèrn britanic blòca la lei escocesa d’autodeterminacion de genre amb un vèto sens precedent
Nicola Sturgeon avertís que la decision pòt butar Westminster a blocar de nòvas leis escocesas dins l’avenir
Tèxte legit
Lo govèrn britanic del primièr ministre Rishi Sunak a blocat una lei aprovada pel parlament escocés que facilitariá lo cambiament de genre de las personas trans, una iniciativa que fariá d’Escòcia lo primièr territòri del Reialme Unit a aprovar un sistèma d’autoidentificacion de genre. Es lo primièr còp que lo govèrn britanic exercís son drech de vèto sus una iniciativa parlamentària escocesa.
La decision de Westminster d’exercir aquel vèto compòrta una pojada de las tensions a un moment de granda crispacion politica entre Westminster e Holyrood pel refús del govèrn britanic de permetre un segond referendum d’independéncia en Escòcia.
La primièra ministra d’Escòcia, Nicola Sturgeon, a denonciat lo fach que lo vèto es segon ela un “atac frontal” contra l’autonomia del parlament escocés, e a apondut que son govèrn depausariá un recors en justícia. A mai, a tanben avisat que la decision pòt menar Westminster a blocar de nòvas leis escocesas dins l’avenir. “S’aquel vèto de Westminster capita ben, serà lo primièr de plusors”, çò a escrich.
La lei, aprovada per una majoritat en decembre passat al parlament escocés, redutz a setze ans l’edat que se pòt sollicitar legalament una reassignacion de genre e elimina la requeréncia de presentar un rapòrt medical qu’acredite las rasons de la sollicitacion. Redutz tanben a tres meses lo periòde de temps que lo demandaire deu aver viscut dins lo genre al qual reclama d’èsser assignat; un periòde que s’alonga a sièis meses dins lo cas dels menors.
La decision de Westminster d’exercir aquel vèto compòrta una pojada de las tensions a un moment de granda crispacion politica entre Westminster e Holyrood pel refús del govèrn britanic de permetre un segond referendum d’independéncia en Escòcia.
La primièra ministra d’Escòcia, Nicola Sturgeon, a denonciat lo fach que lo vèto es segon ela un “atac frontal” contra l’autonomia del parlament escocés, e a apondut que son govèrn depausariá un recors en justícia. A mai, a tanben avisat que la decision pòt menar Westminster a blocar de nòvas leis escocesas dins l’avenir. “S’aquel vèto de Westminster capita ben, serà lo primièr de plusors”, çò a escrich.
La lei, aprovada per una majoritat en decembre passat al parlament escocés, redutz a setze ans l’edat que se pòt sollicitar legalament una reassignacion de genre e elimina la requeréncia de presentar un rapòrt medical qu’acredite las rasons de la sollicitacion. Redutz tanben a tres meses lo periòde de temps que lo demandaire deu aver viscut dins lo genre al qual reclama d’èsser assignat; un periòde que s’alonga a sièis meses dins lo cas dels menors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Lo govèrn britanic blòca la lei escocesa d’autodeterminacion de genre amb un vèto sens precedent" : es plan çò que disiái ! Los poders angleses (dits "britanics") son d'acòrdi amb unes leis d'autodeterminacion d'unes pòbles non angleses, mai qu'aquestes pòbles non vòlgan d'aquela autodeterminacion : son donc dins los faits e dins los actes, tant supremacistas coma los espanholistas e los francistas exagonals, ni mai, ni mens. E pertot dins aqueste fotut mond règna la lèi del mai fòrt, a l'estricte e clar mesprètz del mai just.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari