Andrei Medvedev, èx-comandant del grop de mercenaris Wagner, a demandat l’asil politic a Norvègia, ont s’es prepausat per testimoniar contra lo fondador, l’oligarca Ievgeni Prigojin, un intim de Vladimir Putin. Medvedev traversèt illegalament la frontièra entre Russia e Norvègia per la region de Murmansk. Puèi foguèt menat a Òslo, ont es susvelhat dins un centre de migrants, çò rapòrta Gulagu net, una organizacion russa de defensa dels dreches umans.
 
L'intencion de Medvedev es de testimoniar contra Prigojin, considerat coma un dels òmes mai pròches del president rus, al ponch qu'es conegut coma lo cap cosinièr de Putin a causa del grand nombre de restaurants e d’entrepresas de liurason de repaisses que possedís e que son encargadas d’organizar los sopars del Kremlin pels caps d’executiu o d’estat estrangièrs.
 
Al començament de julhet de 2022, Medvedev signèt un contracte de quatre meses amb lo grop Wagner. Alavetz foguèt menat dins la region de Luhansk, ont foguèt nomenat comandant d’un dels esquadrons d’assaut.