Actualitats
Es mòrta Sòrre Andrieu, degana de l’umanitat
Pas luènh d’aver 119 ans, èra considerada coma la persona de màger longevitat del Mond entièr
Tèxte legit
Defuntèt dimars passat a Tolon Lucile Randon a mai de 118 ans. Èra considerada coma la persona de màger longevitat del Mond entièr. La religiosa occitana nasquèt a Alès (Cevena Lengadociana) l’11 de febrièr de 1904 e èra coneguda coma Sòrre Andrieu, o puslèu Sœur André en francés. Venguèt la persona viva mai vièlha del Mond lo 19 d’abril de 2022 après la mòrt de la japonesa Kane Tanaka.
Amb lo decès de Sòrre Andrieu, lo títol de degana de l’umanitat lo ten la catalana Maria Branyas Morera amb 115 ans.
D’uganauda a monja catolica
Lucile Randon nasquèt al sen d’una familha protestanta uganauda ont son grandpaire èra pastor. A 12 ans venguèt governanta de tres enfants a Marselha en cò d’un mètge e puèi, en 1920, foguèt preceptritz a Versalhas dins la familha Peugeot. En 1922, jonguèt una autra familha, coma governanta e preceptritz.
En 1923, après aver fach son catecumenat en cò de las sòrres de Nòstra Dòna del Cenacle a París, i recebèt lo batisme catolic e faguèt sa primièra comunion. En 1944, intrèt dins l'ostal de las Filhas de la Caritat per complir son noviciat dins la capitala francesa. Aquí prenguèt lo nom de Sòrre Andrieu, coma son fraire ainat, qu’èra perplèxe sus son intrada en religion. En 1945, Sòrre Andrieu partiguèt en mission a l'espital de Vichèi, al servici de quaranta orfanèls e de personas annadas; i demorèt 28 ans.
Amb lo decès de Sòrre Andrieu, lo títol de degana de l’umanitat lo ten la catalana Maria Branyas Morera amb 115 ans.
D’uganauda a monja catolica
Lucile Randon nasquèt al sen d’una familha protestanta uganauda ont son grandpaire èra pastor. A 12 ans venguèt governanta de tres enfants a Marselha en cò d’un mètge e puèi, en 1920, foguèt preceptritz a Versalhas dins la familha Peugeot. En 1922, jonguèt una autra familha, coma governanta e preceptritz.
En 1923, après aver fach son catecumenat en cò de las sòrres de Nòstra Dòna del Cenacle a París, i recebèt lo batisme catolic e faguèt sa primièra comunion. En 1944, intrèt dins l'ostal de las Filhas de la Caritat per complir son noviciat dins la capitala francesa. Aquí prenguèt lo nom de Sòrre Andrieu, coma son fraire ainat, qu’èra perplèxe sus son intrada en religion. En 1945, Sòrre Andrieu partiguèt en mission a l'espital de Vichèi, al servici de quaranta orfanèls e de personas annadas; i demorèt 28 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Jo tanpòc ne compreni pas aqueste camin de vita d'ua descendenta de huganauts.
Mes que's cau brembar tontun que, ja qu'estosse arrèrhilha deu poèta e propagandista protestant Agrippa d'Aubigné, Françoise d'Aubigné, la Madame de Maintenon deu Louis XIV, que's convertí au catolicisme e que vadó hèra curalhosa.
Dens l'aute sens que's tròban tanben catolics que hèn la causida de vader protestants...
Andrieu, son fraire ainat, qu’èra perplèxe sus son intrada en religion. Ieu, es sus son intrada en religion catolica que son perplèxe, Cossí a pogut oblidar la sòrt crudèla e salvatja, totalament anticrestiana, reservadas a sos aujòls protestants cevenòls per la catolicalha ? E totun, aguèt plan de temps, aquela, per i soscar, e se'n remembrar…
Las vias del senhor d'aquel mond catolic me son inentendiblas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari