Actualitats
Las vops tanben pescan
Ara es confirmada una nòva estrategia de caça que permet afirmar que los rainals son de predators que tanben pescan
Se sabiá que las vops èran d’animals plan intelligents; que podián caçar tota sòrta de pichons e mejans mamifèrs dins los bòsques. Pasmens, ara es confirmada una nòva estrategia de caça que permet afirmar que los rainals son de predators que tanben pescan. Lo fach es nòu per la sciéncia, e los cercaires qu’o an pogut espepissar se son mostrats totalament estonats. Ça que la, poiriá èsser una estrategia desvolopada dempuèi de milièrs d’ans.
La descobèrta arribèt en març de 2016 après constatar cossí un rainal rs se ronçava lèu-lèu sus un estanh pròche e pescava una carpa plan gròssa. L’accion poguèt èsser enregistrada en vidèo per dos cercaires que i aviá près de la scèna. Aquò confirmèt pel primièr còp qu’aquela espècia canida (Vulpes vulpes) tanben pesca. Lo fach se repetiguèt fins a 10 còps e la vop que pescava capturèt fins a 10 carpas durant sonque qualques oras. La descobèrta foguèt publicada lèu dins lo numeric Ecology e fa de la vop rossa lo segond canid pescaire de la planeta.
Un fenomèn estonant
“Foguèt plan estonant, çò diguèt un dels cercaires qu’observèron aquel fenomèn, Jorge Tobajas, de l’Universitat de Còrdoa. Avèm estudiat aquela espècia pendent mai de quatre annadas, mas descobrir aquò foguèt un eveniment inesperat.” E mai lo fach aguèt luòc justament quand Tobajas e un autre cercaire, Francisco Díaz-Ruiz, de l’Universitat de Malaga, èran ailà, mas per autre projècte. La vop observèt los cercaires e fugiguèt pas, çò que cridèt l’atencion dels cercaires. E decidiguèron d’enregistrar çò qu’anava far lo rainal.
“Après veire cossí pescava aquela vop, çò apondèron los cercaires, çò qu’avèm pensat es qu’èra pas lo primièr còp, pr’amor de la tecnica utilizada. E mai encara quand lo rainal manjèt pas tot lo peis. L’emportèt fins a un amagatal per lo manjar après. E mai d’un peis foguèron portats a sa companha, una vop femèla”. De remembrar que foguèron trapadas mai d’una rèsta de peisses dins d’amagatals de rainals abans, mas los cercaires èran pas segurs de lor origina, pr’amor que podiá ben èsser solament de carronhas. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
La descobèrta arribèt en març de 2016 après constatar cossí un rainal rs se ronçava lèu-lèu sus un estanh pròche e pescava una carpa plan gròssa. L’accion poguèt èsser enregistrada en vidèo per dos cercaires que i aviá près de la scèna. Aquò confirmèt pel primièr còp qu’aquela espècia canida (Vulpes vulpes) tanben pesca. Lo fach se repetiguèt fins a 10 còps e la vop que pescava capturèt fins a 10 carpas durant sonque qualques oras. La descobèrta foguèt publicada lèu dins lo numeric Ecology e fa de la vop rossa lo segond canid pescaire de la planeta.
Un fenomèn estonant
“Foguèt plan estonant, çò diguèt un dels cercaires qu’observèron aquel fenomèn, Jorge Tobajas, de l’Universitat de Còrdoa. Avèm estudiat aquela espècia pendent mai de quatre annadas, mas descobrir aquò foguèt un eveniment inesperat.” E mai lo fach aguèt luòc justament quand Tobajas e un autre cercaire, Francisco Díaz-Ruiz, de l’Universitat de Malaga, èran ailà, mas per autre projècte. La vop observèt los cercaires e fugiguèt pas, çò que cridèt l’atencion dels cercaires. E decidiguèron d’enregistrar çò qu’anava far lo rainal.
“Après veire cossí pescava aquela vop, çò apondèron los cercaires, çò qu’avèm pensat es qu’èra pas lo primièr còp, pr’amor de la tecnica utilizada. E mai encara quand lo rainal manjèt pas tot lo peis. L’emportèt fins a un amagatal per lo manjar après. E mai d’un peis foguèron portats a sa companha, una vop femèla”. De remembrar que foguèron trapadas mai d’una rèsta de peisses dins d’amagatals de rainals abans, mas los cercaires èran pas segurs de lor origina, pr’amor que podiá ben èsser solament de carronhas. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un article bon.
Voup me sembla mai etimologic e mai coerent amb los occitans italians qu'utiisan volpe en italian.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari