Actualitats
Nòva Zelanda: Jacinda Ardern renóncia a sas foncions de primièra ministra
A justificat sa decision amb l’argument qu’a pas pus d’energia per contunhar
Tèxte legit
Jacinda Ardern anoncièt divendres que quitava d’èsser primièra ministra de la Nòva Zelanda d’aicí al 7 de febrièr e convoquèt d'eleccions legislativas pel 14 d’octòbre. Ardern justifiquèt sa decision en assolidant qu’aviá pas pus d’energia per contunhar. Dins son discors, diguèt los enjòcs màgers qu’aviá afrontat pendent los 5 ans que foguèt primièra ministra en soslinhant la lucha contra la pauretat, lo cambiament climatic, la pandemia de la covid e la crisi economica.
Ardern venguèt la primièra ministra pus jove del Mond quand arribèt a la carga en 2017 a solament 37 ans. Per son biais de gerir la crisi atenguèt una granda reputacion internacionala après los atemptats racistas contra doas mosquetas a Christchurch en 2019.
Defensora del maòri
Dins son segond mandat, la dirigenta trabalhista aviá capitat a formar lo govèrn mai divèrs de l'istòria de son país. Un 25% de l’executiu e una vintena de deputats provenián de la comunautat maòri, lo pòble autoctòn de la Nòva Zelanda. De fach, l’empatia sociala e lingüistica d’Ardern amb lo pòble maòri l’encoratgèt a n’aprene la lenga. Fa quatre ans, diguèt publicament a la television maòri del país que sa filha creisseriá en mestrejant las doas lengas: lo maòri e l’anglés. Segon Ardern, lo maòri es una lenga oficiala que “bastís tanben nòstra compreneson per la cultura” perque, segon ela, “la lenga es lo còr de la cultura”.
Ardern venguèt la primièra ministra pus jove del Mond quand arribèt a la carga en 2017 a solament 37 ans. Per son biais de gerir la crisi atenguèt una granda reputacion internacionala après los atemptats racistas contra doas mosquetas a Christchurch en 2019.
Defensora del maòri
Dins son segond mandat, la dirigenta trabalhista aviá capitat a formar lo govèrn mai divèrs de l'istòria de son país. Un 25% de l’executiu e una vintena de deputats provenián de la comunautat maòri, lo pòble autoctòn de la Nòva Zelanda. De fach, l’empatia sociala e lingüistica d’Ardern amb lo pòble maòri l’encoratgèt a n’aprene la lenga. Fa quatre ans, diguèt publicament a la television maòri del país que sa filha creisseriá en mestrejant las doas lengas: lo maòri e l’anglés. Segon Ardern, lo maòri es una lenga oficiala que “bastís tanben nòstra compreneson per la cultura” perque, segon ela, “la lenga es lo còr de la cultura”.
|
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari