Lo govèrn de Burkina Faso a sollicitat oficialament del govèrn de França la sortida de sas tropas del país dins lo relambi d’un mes. Acusa las fòrças francesas de ne far pas pro per combatre los jihadistas de Sahèl. Burkina Faso jonh Mali e Centreafrica dins lors politicas de raprochament amb Russia. Mentretant, a París fa tirar pena Nigèr, qu’es lo provesidor d’urani per las centralas nuclearas de l’estat francés.
 
Divendres passat, de centenats de personas manifestèron per las carrièras de Oagadogó per exigir lo retirament de las tropas francesas del país e quitament de l’ambaissador de França, acusats d’èsser ineficaces dins la lucha contra lo jihadisme.
 
De fonts governamentalas del país african asseguran que la rompedura significa pas una rompedura de las relacions amb França mas un reajustament dels acòrdis de cooperacion militara signats en decembre de 2018.
 
Lo capitani Ibrahim Traoré, qu'arribèt al poder lo 30 de setembre de 2022, a declarat mai d’un còp son intencion de recobrar l’integritat nacionala.
 
França a de soldats dins divèrses airals de Burkina Faso, dins l’encastre de l’Operacion Sable, a un moment que los atacs jihadistas aumentan en Sahèl. Sembla qu’ara poiriá remandar sas tropas dins lo sud de Nigèr, ont i a ja 2000 soldats franceses.
 
 
 
 

El govern de Burkina Faso dóna 1 mes a les tropes franceses per sortir del país. S’afegeix així a la nova política d’aproximació a Moscou de Mali i Rep Centreafricana. Nervis a París amb el Níger, proveïdor de l’urani per a les centrals nuclears franceses pic.twitter.com/NcFVF3vMs9

— Josep Lluís Alay (@josepalay) January 22, 2023

 

I, Dan Ojowa, totally support yesterday's Burkina Faso DEMONSTRATIONS against French military presence and interference. Africa has decided, France must leave Africa. @EmmanuelMacron@POTUS@_AfricanUnion@UN_News_Centre@cnni@bbcworldservice@Reuters@appartyofficial@ABCpic.twitter.com/VqH8VUYpJu

— Dan Ojowa (@DanOjowa) January 22, 2023