Actualitats
L’ÒPLO lança un sit per orientar devèrs los percorses professionals restacats a l’occitan
L’ofici l’a realizat en associacion amb lo CRÈO de Lengadòc e l’ONISEP per fin d’assabentar lo grand public dels estudis superiors e de las perspectivas professionalas en occitan
Tèxte legit
L’Ofici Public de la Lenga Occitana (ÒPLO) ven de metre en linha lo sit “Occitan Estudis Mestièrs“, una plataforma d’informacion suls trajèctes de formacion e suls mercats professionals restacats a la lenga occitana. L’ofici l’a realizat en associacion amb lo Centre Regional dels Ensenhaires d’Occitan (CRÈO) de Lengadòc e l’Ofici estatal d’Informacion suls Ensenhaments e sus las Professions (ONISEP)
Las regions an, dempuèi 2015, la competéncia de l’orientacion per tal d’assabentar los escolans suls trajèctes de formacion e suls mercats professionals. Ara, amb la publicacion d’aquel nòu sit se prepausa una interfàcia d’informacion suls trajèctes professionals restacats a l’occitan.
Aquela plataforma se posicionarà coma un portal unic per informar lo grand public suls estudis superiors (bachelierat+0 a bachelierat+8), sus las perspectivas professionalas (mestièrs de comunicacion, de l’animacion e de l’accion sociala, de l’ensenhament e de la formacion, de la traduccion e de la documentacion) e suls biaisses per venir professor d’occitan. Segon d’informacions de l’ÒPLO, fòrça pòstes de professor son de provesir cada annada.
La publicacion d’aquel sit web s’acompanharà de diferentas accions de valorizacion. Los professors de licèu seràn egalament associats per tal de mobilizar los escolans occitanistas de la classa de terminala. Aperaquí un milièr d’escolans aprenon l’occitan al licèu.
Lo sit pertòca las circonscripcions escolaras, dichas acadèmias, de Bordèu, Lemòtges, Montpelhièr e Tolosa.
Las regions an, dempuèi 2015, la competéncia de l’orientacion per tal d’assabentar los escolans suls trajèctes de formacion e suls mercats professionals. Ara, amb la publicacion d’aquel nòu sit se prepausa una interfàcia d’informacion suls trajèctes professionals restacats a l’occitan.
Aquela plataforma se posicionarà coma un portal unic per informar lo grand public suls estudis superiors (bachelierat+0 a bachelierat+8), sus las perspectivas professionalas (mestièrs de comunicacion, de l’animacion e de l’accion sociala, de l’ensenhament e de la formacion, de la traduccion e de la documentacion) e suls biaisses per venir professor d’occitan. Segon d’informacions de l’ÒPLO, fòrça pòstes de professor son de provesir cada annada.
La publicacion d’aquel sit web s’acompanharà de diferentas accions de valorizacion. Los professors de licèu seràn egalament associats per tal de mobilizar los escolans occitanistas de la classa de terminala. Aperaquí un milièr d’escolans aprenon l’occitan al licèu.
Lo sit pertòca las circonscripcions escolaras, dichas acadèmias, de Bordèu, Lemòtges, Montpelhièr e Tolosa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Fa plaser d'èsser d'acòrdi de temps en quora. Bon vèspre !
#12 Òi ! ! Sens cap de dobte !
#11 Mièlhs que vos, solide.
#10 Sabètz lo sens del mot "ironic"?
#9
Es que còsta d'entendre la finesa de vòstre rasonament amb vòstre biais d'escriure. Es de paleolitic ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari