Los ministres dels afars exteriors de l’Union Europèa (UE) s’acordèron diluns per aumentar de 500 milions d’èuros lo budget per tal de mandar de material militar a Ucraïna per afrontar l’invasion russa. Dempuèi que comencèt l’invasion russa es lo seten acòrdi d’aquelas caracteristicas que concernís lo Fons Europèu d’Ajuda a la Patz. Al total s’es ja mandat 3,6 miliards d’èuros en sosten militar a Ucraïna.
 
Dins la reünion que se tenguèt a Brussèlas, los ministres decidiguèron tanplan de destinar 45 milions d’èuros a la mission europèa en Polonha per entraïnar l’armada ucraïnesa. “Ucraïna deu ganhar la guèrra”, çò soslinhèt lo naut representant, Josep Borrell, après l’amassada.