Actualitats
Autorizacion d’Alemanha a la liurason de tancs Leopard a Ucraïna
París “exclutz pas” de liurar sos tancs Leclerc, de las caracteristicas similaras a las del Leopard alemand
Tèxte legit
Lo cancelièr alemand Olaf Scholz confirmèt dimècres passat la mesa a la disposicion de las fòrças armadas ucraïnesas de carris de combat Leopard 2, çò rapòrta Euronews.
La cancelariá a indicat, dins un comunicat, que “l’objectiu es de constituïr lèu, en Ucraïna, dos batalhons de tancs Leopard”, ajustant qu’”Alemanha metrà dins un primièr temps a disposicion 14 tancs Leopard 2 A6, sortits dels estòcs de la Bundeswehr”.
Berlin a tanben assegurat que las autorizacions necessàrias serián balhadas als païses partenaris que desiran de liurar lèu a Ucraïna de tancs Leopard 2 en provenença de lors pròpris estòcs, coma Polonha, per exemple.
La decision alemanda es estada saludada per França. París “exclutz pas”, çò a assegurat Emmanuel Macron, de remetre sos tancs Leclerc, de las caracteristicas similaras a las del Leopard alemand.
Mentre que los Estats Units poirián anonciar la liurason de tancs Abrams, segon çò qu’afortís The Wall Street Journal, lo Reialme Unit s’es ja engatjat a remetre a Kyiv son veïcul blindat equivalent, lo Challenger 2.
La cancelariá a indicat, dins un comunicat, que “l’objectiu es de constituïr lèu, en Ucraïna, dos batalhons de tancs Leopard”, ajustant qu’”Alemanha metrà dins un primièr temps a disposicion 14 tancs Leopard 2 A6, sortits dels estòcs de la Bundeswehr”.
Berlin a tanben assegurat que las autorizacions necessàrias serián balhadas als païses partenaris que desiran de liurar lèu a Ucraïna de tancs Leopard 2 en provenença de lors pròpris estòcs, coma Polonha, per exemple.
La decision alemanda es estada saludada per França. París “exclutz pas”, çò a assegurat Emmanuel Macron, de remetre sos tancs Leclerc, de las caracteristicas similaras a las del Leopard alemand.
Mentre que los Estats Units poirián anonciar la liurason de tancs Abrams, segon çò qu’afortís The Wall Street Journal, lo Reialme Unit s’es ja engatjat a remetre a Kyiv son veïcul blindat equivalent, lo Challenger 2.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Qu'ei pro simple d'aver la patz. Que sufeish que lo Poutine e partesca d'Ukraina e n'i aura pas mei de de guerra.
De legir : Konstantin Gavrilov capolier de.....
Se sap que los carris d’assaltar Leopard 2 tanplan coma los veícles d’infantariá Bradley e Marder son armats de projectils pertusant ambe nucles d’urani, s’ aquel us se fasiá menariá drech a zonas de contaminacions coma s’es ja passat en Iogslavia e iraq.
Se d’òbus d’aquela mena èran liurats a Ucraina, Russia considerariá qu’es l’us de bombas nuclearis lordas e n’en tirariam las consequencias, ça diguèc Konstantin capolier de la delegacion russa a l’OSCE.
L’afar ven de mai en mai limpanta ròdas acotadas.
Pro siá pel dimecres 25 de genièr, 135 carris dichs pesucs saran liurat a Ucraina dins 4 a 6 meses. Mas tanben sariá òps d’i apondre avions de caça e missils longa portada, atal es la demanda de mestre Volodimir, que se trelima.
Es un enantiment de mai cap a : o veirèm ben…
Se caldrá pas planger se nos prenèm qualques tefles pel morre, un costièr tirar sariá qu’una malparada poschable.
Europa es considerada pel Kremlin, coma engatjada dins aquela guèrra. En drech internacional la nocion de « cobelligérants » (cossi se pòt diser en occitan) es plan definida : es la parcenansa « participacion » d’unitats militaris als combats.
Los Carris d’assaltar de 45-65 tonas son considerats ambe los avions de caça e l’artilhariá de bèl calibre, coma armas las mai potentas pel campestre batalher.
Çò mai curiós, totun, es que Russia a començat d'envasir Ucraina despuèi 2014. A l'epòca, tot lo mond se'n batiá pasiblament. Perque totes ne s'alarman sonque despuèi un an ? Lo "crime d'invasion" a ja 10 ans d'atge gaireben… Bon… me diretz qu'a çò nòstre, a mai de Uèit sègles e que totòm se'n chauta plan. Totun aquò fa soscar…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari