capçalera campanha

Actualitats

EscòlaLengaPolitica
crotz-tolosaCreated with Sketch.GasconhaVal d'Aran

Eth parlament catalan que tramite era modificacion dera lei d’educacion tà qu’er occitan se torne mencionar coma lengua veïculara

Era sindica d’Aran defenec en Parlament eth hèt que vòlen evitar interpretacions erronèes que meten en perilh er aranés

Tèxte legit

Eth Parlament de Catalonha qu’a aprovat de tramitar era modificacion era lei der usatge des lengües ena educacion entà especificar que s’arreconeishe er occitan coma lengua veïculara enes centres educatius d’Aran. Aquera lei, s’auie aprovat en junh passat dempús qu’era justícia espanhòla imposèc ara Generalitat de Catalonha eth 25% de castelhan ena escòla, mès eth hèt de remplaçar era nocion de “lengua veïculara” damb es concèptes de “lengua curriculara” e “lengua educatiua” desvelhèc indignacion ena Val d’Aran. Ara, ara demanda dera sindica d’Aran, Maria Vergés, eth Parlament de Catalonha a modificat aquera en tot arreconéisher er occitan coma lengua veïculara en ensenhament non universitari en Aran.
 
En debat qu’auec lòc dimèrcles passat, era sindica d’Aran defenec era modificacion dera lei entà assegurar era veïcularitat der aranés. “Se revisam era politica lingüistica promoiguda pera Generalitat de Catalonha pendent es darrèri ans vedem que s’a articulat damb plantejaments qu’an plaçat ath catalan coma pèira angulara dera politica institucionau, en tot condemnar ar aranés a ua posicion residuau e accessòria”, çò diguec Vergés. Ath delà, soslinhèc era situacion “dramatica” e “delicada” dera lengua pr’amor qu’era UNESCO considère qu’ua lengua ei en perilh de desaparicion quan eth sòn usatge sociau se tròbe per dejós deth 30%, en cas d’Aran ei deth 20%.
 
Es partits espanholistes Vox e PP rebutèren era modificacion der lei presentada per Vergés deth temps qu’era CUP, esquèrra independentista, refusaue de votar pr’amor que çò que se debat, ce ditz, ei era revision d’ua lei que jamès aurie d’existir. “Jo l'ac digui as qu’impulsèretz e votèretz aguesta lei: per qué eth mau que non volem entar aranés si que lo volem entath catalan? O virem-ac encara mès. Virem-ac en positiu: perqué eth ben que volem e defenem plan aué ací entar aranés non l’aplicam ath catalan?”
 
Fin finau, era proposicion de modificacion dera lei der usatge des lengües ena educacion contunhe era sua tramitacion, dempús qu’an estat refusades es esmenes ara totalitat de Vox e deth PP.


 

abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
6.

#5
Coma marcava lo nòstre professeur de français - ara de lettres, que fa mai preciós - : "Hors sujet".

  • 0
  • 3
Dins tos sòmis Montsegur, plan segur !
5.

#4 A ! Ah ! Ah ! La Reconquista triomfanta d'Occitània a partir de la ciutadèla mitica de la Val d'Aran !

  • 6
  • 4
Pitaluga
4.

#3 Solide que los 10 miliards d'euros emplegats a fabricar de sosmarins atomics -que sabèm qu'a la fin seràn plan mai qu'aquò - es pas d'argent gaspilhat. A es vertat que l'atòme es una energia neta.

E per tornar a la cultura, cal pas oblidar que sens l'argent gaspilhat per las collectivitats localas i auriá pas tant d'orquèstras, ni de dança, ni d'opèras. Alara, al luòc d'anar tustar sus l'occitan, agachem ont passa l'argent del ministèri de la cultura aital coma lo molon de dardenas previst dins cèrtas vilas per poder fa plaser a la borgesiá e als bobòs.

  • 0
  • 3
E Ieu ! E Ieu ! E Ieu !
3.

Que d'argent e d'energia gaspilhats per parpèlas d'agaça !

  • 15
  • 10
Laganit
2.

Participatz al grand jòc de Jornalet.
Lo dialècte aranés serà engolit per :
- lo castelhan, picatz 1 ;
- lo catalan, picatz 2.

  • 15
  • 12

Escriu un comentari sus aqueste article