capçalera campanha

Actualitats

EconomiaEnvironamentPoliticaSocietat

Total Énergies buta d'una enquista preliminària per de messorgas climaticas

Segon Mediapart, los procuraires de Nanterre enquistan sus una denóncia al penal per “practicas comercialas enganairas”

Tèxte legit

Lo pòl economic e financièr del ministèri public de Nanterre, a París, a dobèrt una enquista a Total Énergies per “practicas comercialas enganairas”, çò publiquèt dijòus passat Mediapart. L’enquista respond a la denóncia de qualques associacions de defensa de l’environament, dont Wild Legal, Sea Shepherd France e Darwin Climax Coalitions.
 
Dins lo dorsièr de denóncia qu'a pogut consultar Mediapart se notifica de faches de “destruccion, degradacion o deterioracion d'un ben qu’aperten als autres e complicitat”, que senhalan de degradacions de l'environament degudas a las activitats extractivas de Total Énergies. Las associacions demandairas soslinhan tanben “lo valat que separa los discorses e l'estrategia de comunicacion del grop Total en matèria climatica de sas practicas que consistisson a investir massissament dins d'energias fossilas”.
 
Reporterre, que tanben rapòrta aquela informacion, aviá ja avertit que la societat francesa es la qu’emet mai de gases d’efièch de sarra malgrat qu'investisca tanplan dins las energias dichas “verdas”.
 
“Es una primièra sul plan judiciari en França que Total Énergies siá l'objècte d'una enquista judiciària per de practicas comercialas enganairas, valent a dire aicí pel greenwashing de l'industrial”, çò ditz William Bourdon, del collègi d’avocats de París, interrogat per Mediapart. De fach, aquela enquista es una primièra que dobrís la draia a de sancions per “greenwashing”.
 
 
 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris


I a pas cap de comentari

Escriu un comentari sus aqueste article