Actualitats
Mai d'una quarantena de vilas fan uèi la Dictada Occitana
La majoritat de las convocacions d’aquel concors ortografic de la lenga occitana se tenon simultanèament amb una participacion plan nombrosa
Tèxte legit
Se ten uèi, 28 de genièr, la 26a edicion de la Dictada Occitana dins un quarantenat de vilas d’Occitània, als Païses Catalans e tanben a París. Dins la màger part dels cases, las dictadas se fan al meteis moment.
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.
A l’entorn de la dictada, dins la majoritat de las vilas ont se fa, se tendràn plusors activitats coma de musica, de balètis, de teatre, de conferéncias, etc.
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.
A l’entorn de la dictada, dins la majoritat de las vilas ont se fa, se tendràn plusors activitats coma de musica, de balètis, de teatre, de conferéncias, etc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Atz complètament rason. Per un esperit de daubertura, caleré que la dictada occitana se hasca en francés, o lavetz quitament en anglés per aténher lo nivèu internacionau.
Eh, de qué ? Èi dit una asenada ?
#1
Sabètz pas çò que disètz. Ai participat a mantunas dictadas dins de luòcs diferents e i a de mond qu'an pas res a veire amb los occitanistas. Venon simplament per curiositat, per veire s'arriban a escriure lo "patés".
Al contrari de çò que disètz, la(s) dictada(s) occitana(s) balhan una bona projeccion de l'occitan en defòra de "l'occitanisme", mai que d'autres eveniments. I a pas que veire la multiplicacion de las dictadas dempuèi las totas primièras e soletas de Castres.
E per clavar, la sansònha de "l'occitanisme" mencionat d'un bais que suggerís que se trachariá d'un movement sectari pòt pas convéncer que los ignorants. Malurosament, es quicòm que manca pas dins lo "beau pays françoys". Se volètz parlar de l'entre-se, ocupatz vos puslèu de la còla de bestiasses eissits de l'ENA que nos mènan a la roïna. Aquò òc es una sècta.
Carnolas (83). Fa longtemps que la Dictada es dubèrta ai 2 grafias. Cada an, i a mai de candidats provençalistas qu'occitanistas...
Enqüèra ua manifestacion occitano-occitanista, dab tots aqueths militants qui's van felicitar...
Qu'ei simple, non se n'i ved pas jamei nat deu dehòra abans!
Que cau las duas grafias tà que sia mei atractiva l'activitat...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari