Dissabte passat, comencèron una seguida de protèstas e susmautas a Turin e Roma per exigir la fin del regim penitenciari 41bis que lo patís lo presonièr anarquista Alfredo Cospito, embarrat dins una preson de Sàsser (Sardenha) e qu’es en cauma de la fam dempuèi la fin d’octòbre. Lo regim 41bis es reservat a de mafioses e de terroristas, e prevei un isolament gaireben total.
 
Cospito es un militant anarquista de 55 ans foguèt ja encarcerat dins los ans 1980 per aver refusat lo servici militar obligatòri. Dempuèi lo començament dels ans 1990 es considerat coma un teorician de la Federacion Anarquista Informala, un grop qu’auriá comés una tièra d’atacs amb d’artefactes explosius sens provocar de mòrts. Es condemnat a 20 ans de preson, per divèrses atemptats, dont lo que faguèt pèrdre la camba a Roberto Adinolfi, un grand entrepreneire italian de l’energia nuclear. Èran en preson dempuèi mai de 10 annadas dins de seccions de nauta seguretat abans que lo placèsson en regim 41bis, çò es l'isolament total. Es considerat coma un simbòl per fòrça anarquistas, en Itàlia e endacòm mai, e es acusat de coordenar d’activitats de la preson estant.
 
Tanlèu entamenada sa cauma de la fam, comencèt una mobilizacion internacionala d’anarquistas qu'aquestes jorns a consistit a atacar de simbòls de l’estat italian tant en Itàlia coma a Atenas, Barcelona e Berlin.
 
 
Lo 41bis
 
 
L’article 41 bis es una disposicion del còde penitenciari italian introduch per una lei de 1986 que prevei un regim d’isolament. Entre d’autras causas, establís que lo presonièr es isolat 22 oras per jorn, que solament lo pòt vesitar un parent una ora per mes, darrièr d’un veire, e que li es enebit de recebre de libres e tota sòrta de documents de l’exterior. Las relacions amb los autres presonièrs son tanben limitadas. Segon l’Observatòri Permanent sus las Mòrts en Preson, lo taus de suicidis dels presonièrs que son en aquel regim es 3,5 còps pus naut que lo dels autres detenguts.
 

 

Lo Stato “non scende a patti” e ha deciso di far morire Alfredo Cospito. Più chiaro di così. pic.twitter.com/24GsnorjuH

— claudia torrisi (@clatorrisi) January 30, 2023

#AlfredoCospito fuori dal 41 bis! pic.twitter.com/8vjm9GYnKG

— Daniele. C(@dna67) January 21, 2023

Gaur 01/31 Alfredo Cospitori buruz txiokatzen dugu.
41bis = tortura https://t.co/x9u8QhIiPm

— Neu Naiz (@neu_naiz) January 31, 2023

Dal coordinamento nazionale di @potere_alpopolo di questo fine settimana.

Alfredo Cospito non deve morire.
Il 41bis é tortura! pic.twitter.com/x2IwTziSDP

— Marta Collot (@CollotMarta) January 30, 2023