Dimècres passat, 25 de genièr, mai de 150 regents del primièr e segond gra de las calandretas se recampèron a Masamet a l’escasença de la Jornada Pedagogica Confederala annadièra. Ni lo vent, ni mai la nèu empachèron pas aquela brava còla de s’ofrir un temps de trabalh intensiu e ritmat.
 
Aquel eveniment unic dins lo païsatge educatiu francés permetèt de questionar de draias pedagogicas e de practicas tot en imaginant de perlongaments e d’adaptacions per las annadas futuras. Aital, lo Camin de Lenga, lo portfòlio e la question de las avaloracions en general, la question de la transmission de la lenga, los tempses periescolars, coma la practica numerica,  foguèron declinats en obradors. Aquel vertadièr temps fòrt de reflexion confirma tota la vitalitat del movement Calandreta que desira de sonhar la pedagogia mesa en òbra dins los establiments.
 
De segur, la jornada permetèt tanben d’afortir la logica e la pertinéncia de l’immersion que demòra la pèira d’angle de l’ostal. Lo repais partejat de miègjorn balhèt de sens al “s’associar per faire escòla” e ajustèt la convivialitat necessària a aquela jornada plan emplenada!




 
 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…

 

---