Actualitats
Reünion d’urgéncia del Collectiu Occitan per salvar l’Estivada
Lo collectiu, qu’amassa un desenat de movements occitanistas, cèrca d’accions e d’iniciativas fàcia a la decision de la comuna de Rodés de desoccitanizar lo festenal
Tèxte legit
Dijòus que ven, 9 de febrièr, a 15 oras, lo Collectiu Occitan se reünirà a l’Ostal d’Occitània per cercar d’accions e d’iniciativas del movement occitanista fàcia a la decision del cònsol màger de Rodés, Christian Teyssèdre, de desoccitanizar l’Estivada que se ten sus sa comuna.
De remembrar que Teyssèdre a anonciat “un cambiament de cap” per l’Estivada, lo festenal que dempuèi mai de 25 ans èra vengut lo referent de la cultura occitana e que lo gerís la vila dempuèi 2015. Dins aquel sens, lo municipi anóncia qu’ongan organizarà, en partenariat amb France Télévisions, tres jorns de concèrts amb “de caps d’aficha de granda renomenada” luènh de l’Estivada de las darrièras annadas. Es a dire que la desoccitaniza completament jos l’escampa que lo festenal “atira pas vertadièrament las molonadas, e sustot la joventut, afeccionada de musica actuala”, çò rapòrta Centre Presse Aveyron.
La decision a pas brica agradat a l’occitanisme, qu’a lèu reagit. E tanpauc a pas brica agradat al poder regional que planh “ la pèrda de l’identitat occitana” e acusa lo cònsol màger de Rodés de se’n prene a nòstre patrimòni, çò rapòrta La Dépêche. De son caire, Sarah Vidal, anciana primièra adjoncha de Rodés, vei dins aquela decision “la fin de l’Estivada”.
Lo Collectiu Occitan, que revendica la preséncia de l’occitan dins la television publica, amassa un desenat de movements occitanistas, dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
De remembrar que Teyssèdre a anonciat “un cambiament de cap” per l’Estivada, lo festenal que dempuèi mai de 25 ans èra vengut lo referent de la cultura occitana e que lo gerís la vila dempuèi 2015. Dins aquel sens, lo municipi anóncia qu’ongan organizarà, en partenariat amb France Télévisions, tres jorns de concèrts amb “de caps d’aficha de granda renomenada” luènh de l’Estivada de las darrièras annadas. Es a dire que la desoccitaniza completament jos l’escampa que lo festenal “atira pas vertadièrament las molonadas, e sustot la joventut, afeccionada de musica actuala”, çò rapòrta Centre Presse Aveyron.
La decision a pas brica agradat a l’occitanisme, qu’a lèu reagit. E tanpauc a pas brica agradat al poder regional que planh “ la pèrda de l’identitat occitana” e acusa lo cònsol màger de Rodés de se’n prene a nòstre patrimòni, çò rapòrta La Dépêche. De son caire, Sarah Vidal, anciana primièra adjoncha de Rodés, vei dins aquela decision “la fin de l’Estivada”.
Lo Collectiu Occitan, que revendica la preséncia de l’occitan dins la television publica, amassa un desenat de movements occitanistas, dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 A que servís que la region sia "Occitanie" se los elegits son jacobins ? lo nom de la region sufís pas se los electors pòrten de jacobins.
Maufisatz-vos : benlèu que dins dètz ans l'oficialitat del catalan serà suprimida en Catalonha, quitament se los soberainistas espanhòls elegits a Barcelona en 2033 conservan lo nom "Cataluña".
Entre temps, rasseguratz-vos : los elegits d'aicí auràn cambiat d'un claquament de det lo nom "Occitanie" en "Pyrénées-Méditerranée", mai toristic, exactament coma lo conse de Rodés a comprés que d'artistas populars francofòns o anglofòns del show biz es mai interessant que non pas aquestes tòcards de parla-patés. Pensi pas que lo nom "Occitanie" demòra longtemps, la quita Delga a títol personla ne voliá pas, es estada sospresa pr'amor que sos conselhèrs cresián a un plebicit pel nom "Pyrénées-Mediterranée" : es estada forçada d'acceptar lo resultat d'un referendum que n'èra a l'iniciativa, mas rai ! res es escrit dins lo marbre, coma l'estivada de Rodés que serà cambiada per un festenal ambe d'artistas francofòns, lo Conselh Regional venent pòt prendre la decision de cambiar lo nom de la region en "Pyrénées-Méditerranée", exactament coma lo de Provença-Alps-Còsta d'Azur l'an cambiat en "Region Sud".
Un collectiu occitan sense l'assemblada occitana??? e voletz arríder? e qui va redigir lo comunicat alavetz?
#4 Fa partida de la santa corala que se desòla per la mala sòrt reservada a nòstra lenga. Mas Euròpa ditz : mens de despensas publica. E tota la corala dels angelets de li far lo respons : amen, aital siá.
Et ite missa est.
Los "socialistas de dreita excellisson a defendre nòstra lenga quand son dins l'oposicion, e a se'n batre traquillament lo bifstèc quand tenon majoritat pertot. Espouscan un pecic de subvencions d'aicí d'ailà per far bon genre e donar d'aire a nos sosténer… Mas plan seriosament, imaginatz un politician de quin partit (plan segur non-fascista) reeligible cinc mandats de reng, capable de menar per tota Occitania, e non pas sonque per la region OPM, la politica que Jòrdi Pujol menèt pel catalan, en França ? Emai una politica aital, non soi convençut que, menada a çò nòstre, bastariá per salvar la lenga, de tant grand qu'es lo mal que nos an fait lo supremacistas franceses d'esquèrra e de dreita, del centre de dels costats, e aiçò despuèi tant longtemps, tant en prigondor dins las cavas de l'anma collectiva…
E totun, Caròla Delgà, sincèrament, o regrèta ! Mas qué volètz, fa coma tot lo mond : "J'y pense puis j'oublie" (Cf. Jacques Lanzmann)… E ne crebam.
Que ne ditz la Delgà, reina d' "Occitanie" ? A creire qu'aquesta region a d'occitan que lo nom !
#1 Per "musica actuala", la aimada per la joventut, cal comprendre la eissida del resson de las manipulacions mediaticas que la condiciona. A l'ora d'ara mai que mai, la vida sociala de la joventut se limita de mai en mai a se calcar sus çò que gaitan a la television, dins las serias e los filmes americans. A part qualques rebèls (n'i a tostemps avut una punhada), la joventut cerca a s'adaptar a son ambient, a s'integrar a la societat, e donc va escotar las musicas ideologicament asseptizadas e cavas que non an pas per lenga que l'anglés lo mai clar del temps.
Vaquí çò que significa aquesta expression "musica actuala", en realitat, vòl díser "la musica majoritàriament escotada per la joventut actualament".
Après... es que's pòt far tanben de "musicas ideologicament asseptizadas", coma sus çò que's far ja internacionalament e cantat en anglés, espanhòl e portugués, MAS en occitan ? aquò es una bona question... Vertat que la "musicas ideologicament asseptizadas" es majotariament cantat en anglés o en espanhòl, o de còps un pauc mens en portugusé, e dins la francofonia, i a d'equivalents (relatius) en francés tanben. Mès i a "d'artistas" qu'an tanben fait d'aqueste mena de muisca en emplegar d'autras lengas, e ambe capitadas enòrmas tanben, ambe miliards de visionatges e milions de disques venduts dins lo Monde entièrs, coma, Master G en zolo, Psy en corean, o la quite Rosalia en catalan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari