La Dictaia Occitana dar 2023 es agüa facha ar collègi de l’Escarea aquest an, un còp de mai vague coma vague. Creaia a Castras en lo 1998, se debana cada annaia en geier o febrier dins un quarantenal de vilai d’Occitània e tanben a París, Barcelona (Catalonha) dont l’occitan es cooficial gràcias a la Val d’Aran, e aquest an dins tres vilai dar País Valencian. Dins los Alps Maritimes, s’es facha tanben dins de comunai de dialècte vivaroalpenc: a Mentan, a Coarasa e a l’Escarea.
 
L’escasença de tornar lai sieus letrai de noblesa a l’occitan de lai valaias dals Palhons, apelat popularament gavòt, qu’es mai coneissut per la sieu oralitat que per li sieus escriches. Escriches existents totun despí mai de 1000 ans, dar Cartulari de Lerins en passant per lo prèmi Nobel de literatura 1904, Frederic Mistral, o d’autors modèrnes coma Bernat Fruchier de Luceram, Joan-Pau Barelli de Pelha, li fraires Pelhon de Coarasa... e ben d’autres.
 
Un extrach dar tèxte “Lo cat e la rateta” de Joan, escolan de 7 ans, es agut legit als escolans de la classa d’opcion escareasc de 4a qu’an fach ua cocorreccion embar professor.
 
Qué que sigue vòstre nivèl de lenga, es un biais de partejar un moment convivial embals escolanai e escolans! De tot biais, l’important es de participar!

 
 
 
 
Dictaia Occitana L’Escarea
 
 
 
 
 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…