Lo ministèri public francés demanda de penas de fins a cinc ans de preson contra los tretze membres d’un grop d’extrèma drecha dich “Los Barjòls”, que planifiquèt d'atacs contra de foncionaris, d’immigrants e mai lo president  de França, Emmanuel Macron. Lo casièr judiciari es dobèrt per banda terrorista. Dins la sesilha que se tenguèt ièr divendres, lo procuraire indiquèt que “la menaça implicada pels suspèctes èra fòrça reala”, e diguèt que los Barjòls èran “un incubador de projèctes d’accions violentas”.
 
Dempuèi 13 setmanas, los acusats compareisson davant un tribunal de París per lors sospechats plans d’atemptar contra Macron en 2018 e d’efectuar d’accions violentas contra d’immigrants musulmans e de foncionaris elegits. Aital, lo procuraire remarquèt que planificar de tuar d’immigrants es tan grèu coma quand los jihadistas planifican de tuar “d’infidèls”.
 
Aquel gropuscul alestiguèt entre abril e junh de 2018 “un projècte improbable de còp d’estat militar” qu’apuèi derivèt en de plans per “una dinamica de violéncia creissenta” fins a la detencion dins lo departament de Mosèla de quatre dels principals suspèctes. A aquel moment, Macron i èra per tal de celebrar lo centenari de la fin de la Primièra Guèrra Mondiala.
 

Le parquet a requis des peines allant de un à cinq ans de prison ferme contre les membres des #Barjols, groupuscule d'extrême-droite accusé d'avoir organisé des actions violentes contre les migrants et contre le président Emmanuel #Macron.
Précisions avec @KarimHakikipic.twitter.com/vMfMvvDepR

— FRANCE 24 Français (@France24_fr) February 2, 2023

La dirigeante des Barjols dit avoir voulu «brûler» des musulmans par «rage»

En 2018, elle avait indiqué avoir pensé à attirer des musulmans en les appâtant avec une «belle fille» avant de les conduire dans un terrain où on «pourrait les brûler»https://t.co/Iqk3bCH1Cv

— Le Parisien (@le_Parisien) January 30, 2023