Sarralhèr presenta Etnografias, un libre qu’amassa poesia e novèlas en occitan e en francés. Lo musician gascon, ara tanben escrivan, prepausa —d’un biais criptic e melancolic— de reïnterpretacions de contes tradicionals, de faches etnografics a personatges imaginaris fantastics, de situacions imaginàrias...  Sas influéncias per aqueste trabalh son estadas David Lynch, Bladé, Charles Joisten, Arnaudin, Lovecraft, Umberto Eco, Théobald Lalanne,  lo Grand Albert, CG Jung... una bèla mescla per un resultat impactant.



 

fffff		fffff
	Extrach Lo flòc au ras de le rota   Quèn cambii de pèth, que despausi au ras de le rota un petit flòc dab le fòto de lo qui èri davant. Qu'escrivi : « Au jo de davant ». Totun n'ànitz pas créder qu'èi començat aquera costuma de jo medish puishque le mia mair qu'ac hadè déjà quèn èri còishe. « Innocença », c'avè gravat sus un planchòt flocat de quauques arròsas de plastic, au redís d'un virolet d'on aví perdut mas ilusions. Tot lo monde que'n hadèn lo torn e que hadè pena a tot lo monde.   Le tèrra sancèira qu'es un segrat.   Segrat de còs Segrat de pors Segrat de còrs Segrat de flors.   E que m'èi sauvat aqueth triquet de botar placa miei mortuàrias au ras de les rotas quèn en jo càmbia quauquarren. Atau, se'm vui arrecaptar çò de perdut, be coneishi lo lòc volut. E n'èi pas mèi sonque a hodir.   Mes lo qui a passat lo shiulet Au gran jamèi se'n torna net

 
 
 
 

---

SARRALHÈR. Etnografias. Éditions Beldura, 2022. 105 paginas. 8 èuros.