capçalera campanha

Actualitats

Internacional

L’aparicion d’un balon sonda chinés suls Estats Units provòca una granda crisi diplomatica

L’aparelh, abatut dissabte, auriá subrevolat dempuèi dimars “de zònas militaras sensiblas”

Tèxte legit

Dos avions de combat de l’armada estatsunidenca abatèron  dissabte passat lo balon sonda chinés que subrevolava los Estats Units dempuèi qualques jorns. Segon l’agéncia AP, l’aparelh auriá passat subre “de zònas militaras sensiblas” e foguèt abatut près de la còsta èst del país, en Carolina.
 
Dimars, lo Pentagòn anoncièt qu'aviá detectat un balon d’origina chinesa subre l’estat de Montana, près de las basas de missils nuclears de Dakota del Nòrd e Wyoming, dos estats que fan respectivament frontièra amb l’èst e lo sud de Montana.
 
Segon lo govèrn chinés, l’aparelh aviá de finalitats metereologicas e anava a la deriva. Mas segon Washington èra un aparelh espion. Quitament s’anoncièt la localizacion d’un autre balon parièr subre l’America del Sud. Cossí que siá, China a de satellits espion e doncas auriá pas cap de besonh de mandar de balons sonda per tal d’espionar.
 
Quina que siá l’intencion vertadièra de l’utilizacion d’aquel balon, aqueste a desencadenat una crisi diplomatica de granda escala entre los Estat Units e China, e aital lo secretari d’estat estatsunidenc, Anthony Blinken, a cancelat sa vesita a Pequin.
 
De son caire, l’administracion chinesa assegurèt dissabte que los mèdias e los politicians dels Estats Units avián aprofechat l’afar per atacar e difamar China.
 
 
 
 

 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Laurent TROUVE
2.

#1 Daubuns balons que son equipats de sistèmis de direccion dab panèus solars. Com ei lo cas d'aqueste, qui a ua trajectòria hèra precisa (esvitar la peninsula deu Kamtchatka, tirar-se la de cap au nòrd de l'Alaska puish anar dret capvath lo Canada).

  • 7
  • 0
Batko
1.

Un balon que's pòt pas dirigir, e que doncas seguís los vents, que seré un utís d'espionatge a l'epòca deus satelites ? Qu'èi un dobte seriós.
O lavetz lo parat ideau per Biden de hèr pujar la sauça e hèr un pauc desbrembar son escandale deus documents amagats dens son ostau ? Un contrahuèc polidet que s'i escad coma cau ...

  • 3
  • 8

Escriu un comentari sus aqueste article