Un adolescent palestinian foguèt tuat diluns de ser d’una bala dins la cara per l’armada israeliana dins l’encastre d’una incursion dins la vila de Nablus. Lo Ministèri de la Santat palestinian a raportat que la victima s’apelava Hamza Amjad Al Ashqar e aviá 17 ans.

D'agents de las Fòrças Armadas d’Israèl faguèron una operacion dins l’èst de Nablus en escorcolhant qualques ostals, çò que derivèt en d’afrontaments. Segon lo ret d’informacion Al Quds, tres ciutadans foguèron detenguts.

Un jorn abans, l’armada d’Israèl aviá anonciat qu'aviá tuat “qualques terroristas armats” pendent una incursion a Jericò, mentre que cercavan d’implicats dins l’atac d’un restaurant de l’airal.

Segon las donadas de las autoritats de Palestina, 42 palestinians, dont 9 menors, son mòrts de la man de l’armada israeliana dempuèi la debuta de l’an 2023. En 2022, lo nombre de victimas, segon l’agéncia Wafa, foguèt de 224.