Lo comitat qu’enquista suls abuses sexuals subits per de menors dins la glèisa catolica de Portugal revelèt diluns passat qu’aviá verificats los testimoniatges de 512 victimas. Pasmens, “lo nombre absolut minimal” d’abuses dins las darrièras 72 annadas es de 4815 victimas, çò rapòrta Público.
 
Segon lo director del comitat, Pedro Strecht, “es pas possible de quantificar lo nombre total de crimes”. A mai, segon Strecht, “la majoritat de las victimas foguèron abusadas mai d’un còp”. De son latz, José Ornelas, president de la Conférencia Episcopala Portuguesa, precisa que la Glèisa estudiarà lo rapòrt abans de donar una responsa oficiala. “Avèm escotadas de causas que podèm pas ignorar”, çò a dich en apondent que seriá “dificil de se remetre d’aquò”. De fach, la glèisa catolica portuguesa aviá comandada aquela enquista en 2021 en assegurant que se sentiá pro de coratge per “prene las mesuras que caldriá”.
 

Não foram 4415 crianças a serem abusadas pela Igreja Católica. Este foi o número conhecido pela CI.
Infelizmente, o número deve ser bastante superior e a vida destas crianças ficou marcada por estes abusos.
Os relatos são devastadores, mas dão voz a quem a perdeu por tanto tempo! pic.twitter.com/H0aUVXFOHe

— Gil Ribeiro (@Gildmribeiro) February 13, 2023