Actualitats
Escòcia: Nicola Sturgeon a anonciat sa demission
A promés de contunhar de se batre per l’independéncia mas refusa d’èsser instrumentalizada
Tèxte legit
La primièra ministra escocesa, Nicola Sturgeon, a anonciat sa demission coma cap del govèrn d’Escòcia e del Partit Nacional Escocés. Pasmens, a confirmat que contunhariá son activitat politica en tot se batre per l’independéncia.
“Soi un èsser uman a mai de politiciana”, çò diguèt Sturgeon dins una conferéncia de premsa ièr a miègjorn en tot afirmar que refusava d’èsser instrumentalizada. “Dempuèi lo primièr moment ai cregut qu’una part de ben servir lo país seriá de saber, gaireben instintivament, quora es ora de daissar la plaça a qualqu’un mai”, çò declarèt la primièra ministra en tot precisar que “quand aquel moment arriba cal aver lo coratge d’o far [...] Dins mon cap e dins mon còr sabi que lo moment es ara, qu’es convenient per ieu e pel país”.
La demission de Sturgeon se produtz dins un periòde d’incertitud sul segond referendum d’independéncia, après la decision de la Cort Suprèma Britanica de l’empedir sens l’aprobacion de Londres. Per ensajar d’esclarzir lo panorama, l’SNP decidiguèt de convocar una conferéncia d’emergéncia lo 19 de març. L’alternativa al referendum, coma expliquèt la quita Sturgeon, èra de convertir las eleccions britanicas que venon en un referendum de facto sus l’independéncia.
A mai, lo govèrn de Sturgeon a tanplan afrontat Londres per una lei votada pel parlament d’Escòcia que deuriá facilitar lo cambiament de sèxe a las personas transes, una iniciativa que fariá d’Escòcia lo primièr territòri del Reialme Unit a aprovar un sistèma d’autoidentificacion de genre. L’executiu de Rishi Sunak decidiguèt de metre son vèto a aquela nòrma nòva. Es lo primièr còp que lo govèrn britanic exercís lo drech de vèto, previst dins l’article 35 de la Lei d’Escòcia de 1998, sus una iniciativa parlamentària escocesa.
En mai d’aquò, recentament, Sturgeon es estada tocada per la polemica entraïnada per l’embarrament dins una preson femenina d’una femna trans condemnada pel viòl de doas femnas abans son cambiament de sèxe.
“Soi un èsser uman a mai de politiciana”, çò diguèt Sturgeon dins una conferéncia de premsa ièr a miègjorn en tot afirmar que refusava d’èsser instrumentalizada. “Dempuèi lo primièr moment ai cregut qu’una part de ben servir lo país seriá de saber, gaireben instintivament, quora es ora de daissar la plaça a qualqu’un mai”, çò declarèt la primièra ministra en tot precisar que “quand aquel moment arriba cal aver lo coratge d’o far [...] Dins mon cap e dins mon còr sabi que lo moment es ara, qu’es convenient per ieu e pel país”.
La demission de Sturgeon se produtz dins un periòde d’incertitud sul segond referendum d’independéncia, après la decision de la Cort Suprèma Britanica de l’empedir sens l’aprobacion de Londres. Per ensajar d’esclarzir lo panorama, l’SNP decidiguèt de convocar una conferéncia d’emergéncia lo 19 de març. L’alternativa al referendum, coma expliquèt la quita Sturgeon, èra de convertir las eleccions britanicas que venon en un referendum de facto sus l’independéncia.
A mai, lo govèrn de Sturgeon a tanplan afrontat Londres per una lei votada pel parlament d’Escòcia que deuriá facilitar lo cambiament de sèxe a las personas transes, una iniciativa que fariá d’Escòcia lo primièr territòri del Reialme Unit a aprovar un sistèma d’autoidentificacion de genre. L’executiu de Rishi Sunak decidiguèt de metre son vèto a aquela nòrma nòva. Es lo primièr còp que lo govèrn britanic exercís lo drech de vèto, previst dins l’article 35 de la Lei d’Escòcia de 1998, sus una iniciativa parlamentària escocesa.
En mai d’aquò, recentament, Sturgeon es estada tocada per la polemica entraïnada per l’embarrament dins una preson femenina d’una femna trans condemnada pel viòl de doas femnas abans son cambiament de sèxe.
Watch live: First Minister @NicolaSturgeon holds a press conference at Bute House. https://t.co/6WiLXAIAnc
— Scottish Government (@scotgov) February 15, 2023
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Per un còp que i a dos primièrs ministres decents e onèstes...
Sembla qu'avèm un fum de masclistas : tot va plan ! Sèm una societat normala.
#6 Aprèp una cap d'estat neo-zelandesa que fa pauc escampèt l'esponga pr'amor que, pecaire, se disia "aganida" pel trabalh , avem un còp de mai la pròva (en despièch de çò que nèga ferotjament l'ideologia neo-feminista importada dels USA ), que las femnas an las espatlas mai frèules que los òmes.
#5
Sembla qu'avèz legit Orwell al revèrs. Crompatz de clucas, pecaire !
Aprèp una cap d'estat neo-zelandesa que fa pauc escampèt l'esponga pr'amor que, pecaire, se disia "aganida" pel trabalh , avem un còp de mai la pròva (en despièch de çò que nèga ferotjament l'ideologia neo-feminista importada dels USA ), que las femnas an las espatlas mai frèules que los òmes. Mas vertat qu'ausar constatar aquesta banalitat vos val sul pic l'escomenge isteric del mond orwellian d'uèi.
#2
"D'autres coplas celebres coma Michele e Baraka Obama o ben Brigitte e Emmanuelle Macron son daus trans." Mèrda, jo que credèvi qu'èran reptilians... Que cau acordar los vriolons complotistas...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari