Actualitats
Un espectacle occitanocatalanogalèc a ganhat lo prèmi Ciutat de Barcelona de la musica
4132314 es un espectacle que los grops Cocanha, Tarta Relena e Los Sara Fontan an creat a Barcelona, inspirat de las obrièras de las ancianas usinas textilas
Tèxte legit
Un espectacle occitanocatalanogalèc a ganhat lo prestigiós prèmi Ciutat de Barcelona de la musica. Se tracta del projècte 4132314 creat a Barcelona pels grops Cocanha, Tarta Relena e Los Sara Fontan. Lo prèmi s’autregèt dimècres passat, 15 de febrièr, dins una ceremònia ont la cantadora de Cocanha, Lila Fraysse, mercegèt—en occitan— la vila de Barcelona “per çò qu’es una onor de poder celebrar uèi aquel espectacle ont nòstra expression occitana, sovent desqualificada encara en França, a trapat tota sa plaça”.
4132314 es una antologia de cançons de trabalh de femnas, rejonchas dins un espectacle que las tres còlas creèron ensems a Barcelona e que se representèt pel primièr còp en julhet passat. L’espectacle es inspirat de la sonoritat de las ancianas usinas textilas, de las memòrias de las obrièras e de lors cants; una celebracion del trabalh collectiu, la solidaritat, de la sororitat e del cant dins la vida vidanta. Per Lila Fraysse, s’agís d’un “espaci d’escambi a l’entorn de nòstras culturas popularas”.
L’espectacle a agut tanplan de succès a la Fièra Mediterranèa de Manresa e quitament a Madrid.
Remesa del prèmi:
A prepaus de 4132314:
4132314 es una antologia de cançons de trabalh de femnas, rejonchas dins un espectacle que las tres còlas creèron ensems a Barcelona e que se representèt pel primièr còp en julhet passat. L’espectacle es inspirat de la sonoritat de las ancianas usinas textilas, de las memòrias de las obrièras e de lors cants; una celebracion del trabalh collectiu, la solidaritat, de la sororitat e del cant dins la vida vidanta. Per Lila Fraysse, s’agís d’un “espaci d’escambi a l’entorn de nòstras culturas popularas”.
L’espectacle a agut tanplan de succès a la Fièra Mediterranèa de Manresa e quitament a Madrid.
Remesa del prèmi:
A prepaus de 4132314:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quanta ipocrisia de la part de na Colau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari