Actualitats
Reclams ven de far paréisser lo primièr libre-revista en occitan
Consagrat a las grandas questions actualas, lo mook L’abc del saber sortirà un còp per an en papièr e serà completat per un sit web
Tèxte legit
Las edicions Reclams venon de far paréisser lo primièr numèro del mook, o libre-revista, L’abc del Saber. Aquela revista de periodicitat annadièra presenta, sus 108 paginas, d’articles de fons en occitan e catalan sus las grandas questions actualas coma la guèrra, l’ecologia, l’energia, etc.
En complement del mook annadièr, L’abc del Saber prepausa d’articles variats dins un sit web en occitan, catalan e francés sus filosofia, arts, sciéncias socialas, sciéncias dichas duras, etc., amb la tòca de venir “una vertadièra basa de saber e de reflexion”.
Jos la direccion d’Eric Fraj, L’abc del saber publica d’articles escriches per de personas especialistas dels subjèctes presentats, e compta sus un comitat scientific de 5 universitaris per assegurar la qualitat dels tèxtes.
Lo primièr numèro a per tèma la guèrra. Es constituit d'un dossièr central e d'articles diversificats. Lo dossièr central presenta las opinions d'Einstein, Freud e Fromm sul “perqué de la guèrra?”. Los autres articles explòran las formas de guèrra a l'Edat Mejana, las frontièras coma motius recurrents de guèrra, lo ròtle de las armas dins un conflicte, las consequéncias de la mondializacion, o encara la faiçon dont la guèrra es descricha dins lo cinèma o la musica.
Fulhetar las primièras paginas del mook
Sit web: https://abcdelsaber.fr
En complement del mook annadièr, L’abc del Saber prepausa d’articles variats dins un sit web en occitan, catalan e francés sus filosofia, arts, sciéncias socialas, sciéncias dichas duras, etc., amb la tòca de venir “una vertadièra basa de saber e de reflexion”.
Jos la direccion d’Eric Fraj, L’abc del saber publica d’articles escriches per de personas especialistas dels subjèctes presentats, e compta sus un comitat scientific de 5 universitaris per assegurar la qualitat dels tèxtes.
Lo primièr numèro a per tèma la guèrra. Es constituit d'un dossièr central e d'articles diversificats. Lo dossièr central presenta las opinions d'Einstein, Freud e Fromm sul “perqué de la guèrra?”. Los autres articles explòran las formas de guèrra a l'Edat Mejana, las frontièras coma motius recurrents de guèrra, lo ròtle de las armas dins un conflicte, las consequéncias de la mondializacion, o encara la faiçon dont la guèrra es descricha dins lo cinèma o la musica.
 | L’abc del saber, numèro 1. Reclams, 2023. 108 paginas. 19 èuros. |
Fulhetar las primièras paginas del mook
Sit web: https://abcdelsaber.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma çà disiá la cozina Bàtbi : " o caldrà traire a bon cap tot aquò"
Los d'octele qu'avèn ensajat quauquarren de semblabla sus internet annadas a dab ocfutura, mes n'avè pas briga marchat. Adara lo site qu'a barrat...Esperem ua mei bona devira per l'equipa d'Eric Fraj!
Es una parucion tras qu'importanta. Mancam d'assages en occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari