CAPÇALERA PAIS INVISIBLE

Actualitats

InternacionalPolitica

Bascoat: 20 ans après lo barrament d’Euskaldunon Egunkaria

Onze ans après lo tampament, après una tièra de longs jutjaments, torturas e encarceracions, los acusats foguèron relaxats e l’afar foguèt archivat. Mas lo jornal aviá desaparegut

“Vòli pas una civilizacion coma aquesta”, çò cantavan ièr al centre vila de Sant Sebastian, en remembre del 20n anniversari del tampament d'Euskaldunon Egunkaria
“Vòli pas una civilizacion coma aquesta”, çò cantavan ièr al centre vila de Sant Sebastian, en remembre del 20n anniversari del tampament d'Euskaldunon Egunkaria | Arantxa Iraola

Tèxte legit

Lo 19 de febrièr de 2003, las autoritats judiciàrias espanhòlas barrèron Euskaldunon Egunkaria, un jornal plan reüssit e dels mai objectius de l’epòca. La Gàrdia Civila lo tampèt e ne detenguèt la còla en seguida dels òrdres dels jutges de Madrid. Los jutges se volián assegurar que lo jornal fasiá pas partida de las societats que finançavan ÈTA. Lor calguèt onze ans de fòrça patiment infligit per descobrir que non. Los detenguts denoncièron de torturas.
 
A l’escasença del 20n anniversari d’aquel fach tan grèu, sièis salariats del quotidian basco remembravan ièr dins las paginas del jornal Berria las annadas complicadas qu’avián viscut, e contavan lors sentiments 20 ans après lo barrament d'Euskaldunon Egunkaria, las torturas e la preson.
 
Podètz legir lo reportatge en basco sus Berria o ben la traduccion en catalan que la prepausa Vilaweb. Se clicatz aicí ne poiretz tanplan legir una traduccion automatica devèrs l’occitan.
 
 
Lo jornal dels bascofòns
 
Nascut en 1990, Euskaldunon Egunkaria (lo jornal dels bascofòns) èra un quotidian escrich integralament en lenga basca qu’aguèt fòrça succès. Après lo tampament ordenat en 2003 per la justícia de Madrid e après lo secutament de la còla del jornal, empresonada a la meteissa epòca, los ancians detenguts denóncian de torturas, e puèi d’annadas de tractaments e suènhs per n’eliminar la dolor.
 
Onze ans après lo barrament d’Euskaldunon Egunkaria, après una tièra de longs jutjaments e encarceracions, los acusats foguèron relaxats e l’afar foguèt archivat. Mas lo jornal aviá desaparegut. Tornèt pas pus, coma non tornèt pas Egin, un quotidian bilingüe barrat injustament en 1998. Sa plaça l’ocupa ara Berria (La nòva).



 
 
 


abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article