vLo president de China, Ji Xinping, prepausarà divendres un plan de patz per que s’acabe la guèrra entre Ucraïna e Russia, çò anoncièt dissabte a Munic lo ministre dels afars estrangièrs Wang Yi. Segon Wang, Ji Xinping farà sa proposicion dins un discors prononciat lo jorn del primièr anniversari de la debuta de l'invasion d’Ucraïna per las tropas de la Federacion Russa. La proposicion de l’Empèri del Mitan conciliariá lo drech ucraïnés de servar son integritat territoriala amb lo drech de Russia de se sentir segura dins sas frontièras. Totun, lo ministre chinés a pas volgut donar mai de detalhs suls tèrmes de la proposicion.
 
China a pas condemnat l’atac rus contra Ucraïna e manten de relacions especialas amb Russia, qu’an quitament aumentat durant la guèrra, pr’amor que Russia a de besonh de son sosten ara mai que jamai. China es lo sol membre permanent del Conselh de Seguretat de l’ÒNU que poiriá far una mediacion amb Russia.
 
Los diplomatas occidentals presents dissabte a la reünion de seguretat de Munic prenguèron l’anóncia del president chinés amb prudéncia e espèran que se concretizarà.

 

[ 🇷🇺 RUSSIE | 🇺🇦 UKRAINE ]

🔸 « Cette guerre ne peut pas continuer à faire rage. » - Wang Yi, ajoutant que Pékin proposera un plan de paix le 24 février, jour « anniversaire » de la guerre. https://t.co/v6uRSd3a9x

— (Little) Think Tank (@L_ThinkTank) February 19, 2023