Actualitats
Se confirma la tresena garison completa del VIU
Arrestèron lo tractament antiretroviral d’un pacient d’un biais contrarotlat après una transplantacion de cellulas soca per tractar una leucemia mieloïda
Tèxte legit
Pel tresen còp dins l’istòria s’es confirmat un cas de garison totala d’una infeccion del Virus d’Immunodeficéncia Umana (VIU). Es un òme de 53 ans que fa tres ans vegèt arrestat son tractament antiretroviral contra lo VIU d’un biais contrarotlat après una transplantacion de cellulas soca per tractar una leucemia mieloïda. Quatre ans pus tard, es en bon estat de santat e lo virus es pas tornat aparéisser. L’òme es conegut dins lo mitan medicoscientific coma lo pacient de Düsseldorf, e seguís los autres dos cases: los pacients de Berlin e de Londres respectivament, qu’eliminèron tanben completament lo virus amb lo meteis procès.
La revista Nature Medicine a publicat l’estudi que certifica que, 44 meses apuèi, s’es pas detectat cap de tralh de virus dins lo sang ni dins los teissuts del pacient. “Avèm pas tanpauc vist cap de responsa immunitària caracteristica d’una flambada virala. Sas defensas son pas activadas devèrs lo VIU perque se devon pas defendre contra lo virus”, çò explica la cercaira Maria Salgado, coautora de l’estudi. La recèrca s’intègra dins lo consòrci IciStem, coordenat per l’Institut de Recèrca del Sida IrsiCaixa e l’University Medical Center d’Utrecht (Païses Basses).
Doas autras garisons se poirián confirmar lèu
Sonque tres pacients son estats garits, mas n’i a mai en estudi. Lèu se’n poiriá confirmar dos mai, un a Nòva York e un autre a Duarte (Califôrnia), que tanben se son refaches del VIU e suls quals s’es presentat de conferéncias scientificas. Totun, cal encara esperar per que se confirme que l’an eliminat completament.
Un tractament agressiu
Totun, malgrat aquelas capitadas, lo tractament amb de cellulas soca es fòrça agressiu e se pòt pas estendre a la populacion en general; s’aplica solament dins en cas de malautiás ematologicas sens cap de tractament alternatiu. Pasmens, las recèrcas son a estudiar d’autras draias dont de terapias geneticas.
A l’ora d’ara, lo VIU se suènha amb lo tractament antiretroviral, qu’elimina pas de tot en tot lo virus mas lo redutz a un estat indetectable e permet de viure en tota normalitat.
La revista Nature Medicine a publicat l’estudi que certifica que, 44 meses apuèi, s’es pas detectat cap de tralh de virus dins lo sang ni dins los teissuts del pacient. “Avèm pas tanpauc vist cap de responsa immunitària caracteristica d’una flambada virala. Sas defensas son pas activadas devèrs lo VIU perque se devon pas defendre contra lo virus”, çò explica la cercaira Maria Salgado, coautora de l’estudi. La recèrca s’intègra dins lo consòrci IciStem, coordenat per l’Institut de Recèrca del Sida IrsiCaixa e l’University Medical Center d’Utrecht (Païses Basses).
Doas autras garisons se poirián confirmar lèu
Sonque tres pacients son estats garits, mas n’i a mai en estudi. Lèu se’n poiriá confirmar dos mai, un a Nòva York e un autre a Duarte (Califôrnia), que tanben se son refaches del VIU e suls quals s’es presentat de conferéncias scientificas. Totun, cal encara esperar per que se confirme que l’an eliminat completament.
Un tractament agressiu
Totun, malgrat aquelas capitadas, lo tractament amb de cellulas soca es fòrça agressiu e se pòt pas estendre a la populacion en general; s’aplica solament dins en cas de malautiás ematologicas sens cap de tractament alternatiu. Pasmens, las recèrcas son a estudiar d’autras draias dont de terapias geneticas.
A l’ora d’ara, lo VIU se suènha amb lo tractament antiretroviral, qu’elimina pas de tot en tot lo virus mas lo redutz a un estat indetectable e permet de viure en tota normalitat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qunta paradòxa que la salopariá d'aquel virus d'aquí se diga VIU en lenga nòstra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari