Actualitats
Lo PKK declara una alta al fuòc en Turquia “fins que siá assolaçada la dolor” del pòble curd pel tèrratrem
Lo grop armat avertís que respondrà s’es atacat per las fòrças de l’estat
Tèxte legit
Lo copresident del Conselh Executiu de l’Union de Comunautats de Curdistan (KCK), Cemil Bayık, a anonciat que lo PKK declara una alta al fuòc unilaterala en Turquia “fins que la dolor del pòble siá assolaçada e sas nafras se gariscan”. La decision arribèt tres jorns après qu’un tèrratrem potent aguèt afectat divèrsas regions de Turquia, Siria, del Curdistan del Nòrd e de Rojava, amb un bilanç de desenas de milièrs de mòrts.
Lo KCK es una organizacion parapluèja integrada per divèrses grops curds, dont lo PKK.
Dins un messatge televisat, Bayık assegurèt que lo nivèl de destruccion e lo naut nombre de victimas èran produch de la manca de preparacion de l’estat turc davant los tèrratrems. Lo dirigent curd acusèt l’islamoconservator AKP del president turc Recep Tayyip Erdoğan e son aliat, l’ultradrechista MHP, d’aver despensat en objectius militars l’argent qu’auriá degut aver destinat a se preparar a d’eventuals tèrratrems.
Bayık a avertit que lo PKK se resèrva l’opcion de contunhar d’emplegar la violéncia se las fòrças de seguretat turcas atacan de membres de l’organizacion.
Lo PKK e l’estat turc tenon un conflicte militar dempuèi 1984, amb de periòdes brèus d’alta al fuòc. La guèrra entre aqueles dos actors a fach environ 60 000 mòrts.
Aquesta nòva es adaptada de Nationalia, amb qui Jornalet ten un acòrdi de cooperacion.
Lo KCK es una organizacion parapluèja integrada per divèrses grops curds, dont lo PKK.
Dins un messatge televisat, Bayık assegurèt que lo nivèl de destruccion e lo naut nombre de victimas èran produch de la manca de preparacion de l’estat turc davant los tèrratrems. Lo dirigent curd acusèt l’islamoconservator AKP del president turc Recep Tayyip Erdoğan e son aliat, l’ultradrechista MHP, d’aver despensat en objectius militars l’argent qu’auriá degut aver destinat a se preparar a d’eventuals tèrratrems.
Bayık a avertit que lo PKK se resèrva l’opcion de contunhar d’emplegar la violéncia se las fòrças de seguretat turcas atacan de membres de l’organizacion.
Lo PKK e l’estat turc tenon un conflicte militar dempuèi 1984, amb de periòdes brèus d’alta al fuòc. La guèrra entre aqueles dos actors a fach environ 60 000 mòrts.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas d'alta al fuòc que valga per Erdogan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari