La polícia nacionala del departament de Gironda publicava diluns sus Twitter un apèl a testimònis que venguèt viral. Recercavan un jovenòme per li dire lor gratitud car lo 3 febrièr passat de vèspre aviá empedit lo viòl d’una joventa a Senon (Entre duas Mars), çò rapòrta The Huffington Post.  Tant la polícia coma lo procuraire lo volián “felicitar de son accion” pr’amor que lo jove èra pas pus present quand arribèt la polícia.
 

Ce type d'appel à témoins se fait rare, je compte sur vous pour retrouver ce jeune courageux. pic.twitter.com/E33u5BuOoi — Police Nationale 33 (@PoliceNat33) February 20, 2023

Lo jove eròi s’apèla Idriss e a 15 ans. “Èra a l’encòp susprés e encantat que la polícia o volguèsse rescontrar”, çò ditz a Sud-Ouest lo responsable de la comunicacion de la polícia girondina. “Idriss es un drollet de 15 ans, qu’a una corpuléncia normala. Es pas un grand balès… mas reagiguèt plan”, çò a resumit.
 
L’adolescent arrestèt un òme a mand de cometre un viòl sus una adolescenta de 13 ans a Senon. Aquò se passava lo 3 de febrièr devèrs 17h30. La joventa l’aviá mesa entre doas autos un individú qu’exigissiá d'ela una fellacion. “Quand vegèt l’agression en cors, [Idriss] sautèt sus l’agressor per lo desgatjar en lo tirant per las espatlas, pel mantèl. L’adulte èra ja sus la joventa”, çò rapòrta lo responsable de la comunicacion a la direccion departamentala de la seguretat publica de Gironda, a França 3.
 
D’autres testimònis de la scèna arribèron puèi  per manténer sus plaça l’agressor, fins a la venguda dels policièrs. Lo suspècte èra ja estat condemnat 11 còps, sustot per de faches de violéncias e de còps mortals que li avián valgut en 2012 una condemnacion a 12 ans de reclusion criminala per la cort d’assisas de Dordonha.
 

Vous avez été près 1.200.000 personnes à suivre cet appel à témoins. Grâce à votre relais, j'ai retrouvé ce jeune héros de 15 ans qui se prénomme Idriss.
Bravo pour ton acte de bravoure, d'ici quelques jours nous organiserons pour toi, des félicitations dignes de ce nom. pic.twitter.com/lkYkB6LiJS

— Police Nationale 33 (@PoliceNat33) February 22, 2023