Actualitats
Vivièrs: inquietud per l’espandiment d’una usina de reciclatge de batariás
Segon son plan, l’usina vendriá classada sit Seveso de lindal naut, mai per de risques environamentals que per de risques d’explosion
Tèxte legit
A Vivièrs una entrepresa vòl espandir son activitat de retractament de batariás. Mas los risques d'incendi e de pollucion inquietan los abitants, çò rapòrta Reporterre. Una trentena de personas manifestèron dissabte passat davant la comuna d’aquela vila roergassa de 1100 abitants, près de la Sala, a la crida de l'associacion locala Adeba. Protèstan contra lo projècte d'extension de la societat SNAM (acronim de Societat Novèla d'Afinatge dels Metals), a l'escasença d'una permanéncia d'enquista publica.
Implantada sus la comuna dempuèi 1998, l’SNAM es especializada en reciclatge e valorizacion de batariás e emplega environ 130 salariats. Reciclan las batariás de telefòns mobils, de bicicletas electricas, trotinetas...”. Ara, l’entrepresa cèrca d'acréisser sas capacitats, sustot per tractar de batariás al liti, en aumentant son volum d'estocatge de las 1200 tonas actualas a 3700 d'aicí a dos ans, e mai de 6000 tonas a l'orizont de 2028. Aquò classariá l’usina en sit Seveso de lindal naut, mai per de risques environamentals que per de risques d’explosion.
En mai d’aquò, l’SNAM considèra son extension a solament qualques centenas de mètres d'un autre projècte, lo pòl de valorizacion dels degalhs Solena/Kéréa; una installacion que ten un digestor anaeròbi pels degalhs organics, amassat dins un centre de tria que fa l'objècte d'una fòrta contèsta locala dempuèi uèch ans.
Implantada sus la comuna dempuèi 1998, l’SNAM es especializada en reciclatge e valorizacion de batariás e emplega environ 130 salariats. Reciclan las batariás de telefòns mobils, de bicicletas electricas, trotinetas...”. Ara, l’entrepresa cèrca d'acréisser sas capacitats, sustot per tractar de batariás al liti, en aumentant son volum d'estocatge de las 1200 tonas actualas a 3700 d'aicí a dos ans, e mai de 6000 tonas a l'orizont de 2028. Aquò classariá l’usina en sit Seveso de lindal naut, mai per de risques environamentals que per de risques d’explosion.
En mai d’aquò, l’SNAM considèra son extension a solament qualques centenas de mètres d'un autre projècte, lo pòl de valorizacion dels degalhs Solena/Kéréa; una installacion que ten un digestor anaeròbi pels degalhs organics, amassat dins un centre de tria que fa l'objècte d'una fòrta contèsta locala dempuèi uèch ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E amb lo tot electric, los sitis Seveso van pichonar tant e mai. Macron e tota sa clica es a nos poirir lo pais.
Sus un autre aspècte, ja lo sosministre de la transicion chafrada "ecologica" ditz que se cal preparar al 4°C de mai. Oblidat lo 2°C (es que ja ne sèm a + 1,7°C !).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari