Una professora foguèt escotelada en plen cors ièr dimècres 22 de febrièr devèrs 10h al collègi-licèu privat catolic Sant Tomàs d'Aquin de Sant Joan de Lus (Bascoat). Se passèt devèrs 10 oras del matin, dins sa classa. Aviá 52 ans e ensenhava lo castelhan. L’agression l’auriá comesa un licean de 16 ans qu’es plaçat en gàrdia a vista. Segon los enquistaires, a dich èsser “possedit” e aver ausit de voses.
 
Socorses e fòrças de polícia arribèron sus plaça après lo crime. Tanben lo prefècte del departament dels Pirenèus Atlantics e lo procuraire de Baiona, que confirmèt lo decès de l’ensenhaira e qu’a dobèrt una enquista judiciària.
 
Tanplan sus plaça, l’evesque de Baiona planhiá lo crime que lo considerava lo prelat “impensable sus [lor] còsta basca tan tranquilla”. Lo president del conselh departamental mandèt sos sosten e solidaritat a la familha de la victima, als ensenhaires, als escolans e lors parents.
 
Lo pòrtavotz del govèrn francés, Olivier Veran, transmetèt lo sosten de l’executiu après lo conselh dels ministres e anoncièt la vesita que, qualques oras pus tard, fariá sus plaça lo ministre de l’educacion, Pap Ndiaye.
 
La paura ensenhaira es lo primièr professor de l’estat francés tuat dins l'encastre de sas foncions dempuèi Samuel Paty, assassinat en octòbre de 2020 per un jihadista. Sièis ans abans, en julhet de 2014, una ensenhaira d’una escòla d’Albi foguèt escotelada mortalament per la maire d’una escolana.

 

🟡 Une enseignante a été tuée par un élève à Saint-Jean-de-Luz. Les réactions politiques sont nombreuses.

📺 #franceinfo canal 27 pic.twitter.com/66vmYXuPc8

— franceinfo plus (@franceinfoplus) February 22, 2023

 

Esto es lo que se sabe hasta el momento de la profesora de 50 años que ha muerto en el liceo privado católico Santo Tomás de Aquino de Donibane Lohizune tras ser apuñalada presuntamente por un alumno de 16, ya detenido https://t.co/kJJje0uho6pic.twitter.com/msL2j8dpMy

— naiz: (@naiz_info) February 22, 2023

 

????????
Comment ça ce genre de choses à Donibane Lohizune ?! https://t.co/J3pFHZSZH2

— Jérémy L-G (@Euskarade) February 22, 2023