capçalera campanha

Actualitats

InternacionalPolitica

Afar Qatargate: la justícia bèlga senhala lo ministre de l’emplec qatarita coma cap del ret

L’ordre de detencion d’Eva Kailí revèla que l’1,5 milion d’èuros confiscat als acusats non seriá que la part vesedoira de l’icebèrg

Tèxte legit

Pauc a cha pauc se descobrís las inconegudas de l’afar Qatargate. La justícia bèlga senhala ara lo ministre de l’emplec de Qatar, Ali bin Samikh Al Marri, coma lo que diriguèt l’organizacion qu’operava dins lo Parlament Europèu per mejan d’Eva Kailí, de Maria Sabla, d’Alessandra Moretti, d’Andrea Cozzolini e  Marc Tarabella. Aquela informacion figura dins l’òrdre de detencion fach pel jutge Michel Claise contra l’èx-vicepresidenta de la cambra, çò revèla Politico.
 
Lo document explica tanben que lo ligam entre l’emirat e la còla de parlamentaris èra l’èx-eurodeputat Pier Antonio Panzeri, que fa qualques setmanas confessèt a las autoritats bèlgas que dirigissiá lo ret de subornacions e trafec d’influéncia. “Lo ministre de l’emplec sembla d’èsser lo que contraròtla las activitats de Sénher Panzeri”, çò ditz l’òrdre de detencion.
 
De tot biais, segon la justícia bèlga, lo cervèl del ret interagissiá pas dirèctament amb Kailí. Fasiá lo ligam entre lo calinhaire de l’èx-vice-presidenta, Francesco Giorgi, que foguèt conselhièr de Panzeri e, abans d’èsser detengut, o fasiá tanplan Andrea Cozzolini. “L’enquista mòstra que los òrdres los donava Sénher Panzeri al marit de l’acusada”, çò precisa lo document.
 
 
De telefonadas als acusats e “qualques milions d’èuros”
 
Lo 9 de decembre passat, Kailí foguèt arrestada per la polícia bèlga jos l’acusacion de corrupcion, blanquiment de cabals e integracion dins una organizacion criminala. Abans d’èsser manotada, segon l’enquista, telefonèt al cervèl del ret, Pier Antonio Panzeri, e a dos autres eurodeputats non identificats. Se veniá d’assabentar de la detencion de son calinhaire.
 
En aquela operacion se faguèt qualques escorcolhs dins los quals se recuperèt 1,5 milion d’èuros en liquid. 150 000 èuros èran a l’ostal de l’èx-vicepresidenta e d’autres 150 000 los portava son paire dins una valisa. Ara, segon l’òrdre de detencion de Kailí, aquela soma poiriá èsser solament la part vesedoira de l’iceberg. En relacion amb aquò, lo jutge Claise explica que “qualques milions d’èuros” acabèron dins las pòchas dels principals suspèctes de l’escàndol de corrupcion.

 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
1.

Qatargate, Qatargate... E quand se parlarà del lobby marroquin ? Qu'i son fòrça empetegats, a començar pes sociodemocratas "del sud". Cal pas engalinar nòstre amic lo Rei. Son prèstes a sacrificar lo pòble saharoí sens contemplacions aqueles estafièrs.

  • 1
  • 0

Escriu un comentari sus aqueste article