Actualitats
L’occitan es l’80a lenga mai influenta del Mond, segon lo Ministèri de la Cultura francés
D’autras lengas de l’estat coma l’arpitan, lo breton e lo còrs son pas dins la lista. Lo catalan se tròba dins en 12a posicion
Tèxte legit
L’occitan es a l’80a posicion de las 643 lengas presentadas dins lo baromètre de las lengas del Mond que lo publica cada 5 ans lo Ministèri de la Cultura francés. D’autras lengas de l’estat francés, coma l’arpitan, lo breton e lo còrs, son pas dins la lista, del temps que lo basco es en 38a posicion. La granda suspresa del baromètre l’a facha lo catalan, que se tròba dins en 12a posicion. Sus la planeta se calcula que se parla aperaquí 6000 lengas.
L’estudi pren en compte divèrses critèris desvolopats pel lingüista Louis-Jean Calvet qu’incorpòran d’indicadors que permeton d’avalorar olisticament l’importància d’una lenga, delà lo domeni lingüistic. L’occitan capita ben en indici de desvolopament uman, sus Wikipèdia e en preséncia sus Internet, mas presenta de tausses fòrça basses en nombre de locutors, en estatut e en veïcularitat.
Podètz consultar la pagina sul rapòrt sul web del Ministèri de la Cultura francés. S’o volètz, podètz tanplan descargar las donadas del baromètre (en format .xls) e consultar lo rapòrt que l’acompanha (en PDF).
L’estudi pren en compte divèrses critèris desvolopats pel lingüista Louis-Jean Calvet qu’incorpòran d’indicadors que permeton d’avalorar olisticament l’importància d’una lenga, delà lo domeni lingüistic. L’occitan capita ben en indici de desvolopament uman, sus Wikipèdia e en preséncia sus Internet, mas presenta de tausses fòrça basses en nombre de locutors, en estatut e en veïcularitat.
Podètz consultar la pagina sul rapòrt sul web del Ministèri de la Cultura francés. S’o volètz, podètz tanplan descargar las donadas del baromètre (en format .xls) e consultar lo rapòrt que l’acompanha (en PDF).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#27 Interessant, grandmercé. Pasmens, pensavi que l'existéncia de canals de television panarabis permetiá de refortir l'arabi estandard modèrne.
#25 Quauqueis explicas aicí :
https://www.atlanticcouncil.org/blogs/menasource/standard-arabic-is-on-the-decline-here-s-what-s-worrying-about-that/
#25 Es que l'arabi, lo literari en tot lo cas, es pas gaire en bòna santat maugrat lei fantasiás que si pòdon legir a son prepaus en França... Es en camin de venir una lenga mai que mai liturgica.
#22 Ont avètz vist l'esperanto e lo latin? Los tròbi pas.
A ieu, çò que me suspren, es la causida de mençonar pas brica l'arabi de biais unitari o interdialectal. De fach, es la lenga internacionala mens plan classada.
#8 "Sui solide qu'en França i a, shens exageracion, au mensh 100 000 còps mei de locutors de marocan que non pas d'occitan..."
Segur, sensa exageracion...
Qu'es aquò lo marrocan ? L'arabi marrocan ò lo berbèr ?
Se consideram que 100% dei personas marrocanas ò d'originas marrocana (aperaqui 3 millions de personas en França) parlon TOTEI l'arabi marrocan, çò qu'es evidentament completament faus, fauriá 30 (TRENTA) locutors d'occitan per arribar au rapòrt que disètz "sensa exageracion".
Aquel estudi mòstra de donadas objectivas. Que vos agrade ò non, es autra causa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari