Actualitats
Un dispositiu per formar d’ensenhaires capables d’ensenhar l’occitan en occitan
L’ÒPLO e l’Educacion Nacionala francesa fan una crida a candidaturas pel dispositiu “Ensenhar Professor·a” que formarà los candidats sus una annada escolara
Tèxte legit
Pel primièr còp, l’Ofici Public de la Lenga Occitana (ÒPLO) ofrís un dispositiu per formar, sus una annada escolara, d’ensenhaires capables d’ensenhar l’occitan en occitan. En collaboracion amb las circonscripcions escolaras (acadèmias) de Bordèu, Lemòtges, Montpelhièr e Tolosa, se dobrís un apèl a candidaturas comun dins l’encastre del dispositiu “Ensenhar Professor·a”.
S’agís d’un dispositiu pilotat per l’ÒPLO en collaboracion amb los servicis de l’Educacion Nacionala francesa, als nivèls academic e departamental. Per la rintrada 2023-2024, l’ÒPLO assumís l’integralitat del còst de la formacion, e la remuneracion dels professors del 1r e del 2d gra es assegurada per l’Educacion Nacionala e mantenguda en totalitat.
Per respondre a las questions dels ensenhaires interessats, l’ÒPLO prepausa un webinari dimècres 8 de març de 16h30 a 18h. Per mai d’informacion: https://www.ofici-occitan.eu/oc/apel-a-candidaturas-ensenhar-professor-a-2023-24/
S’agís d’un dispositiu pilotat per l’ÒPLO en collaboracion amb los servicis de l’Educacion Nacionala francesa, als nivèls academic e departamental. Per la rintrada 2023-2024, l’ÒPLO assumís l’integralitat del còst de la formacion, e la remuneracion dels professors del 1r e del 2d gra es assegurada per l’Educacion Nacionala e mantenguda en totalitat.
Per respondre a las questions dels ensenhaires interessats, l’ÒPLO prepausa un webinari dimècres 8 de març de 16h30 a 18h. Per mai d’informacion: https://www.ofici-occitan.eu/oc/apel-a-candidaturas-ensenhar-professor-a-2023-24/
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La realitat es 5131 signaturas per ensatjar de mantener l’Estivada de Rodés, es pas pro !
Sèm a viure los darnièrs ranguilhs de l’occitan.
#5
Soi pas de vòstre punt de vista, sèm al sègle de la comunicacion, e nosaus tanben nos cal comunicar, amai s'es pas totjorn çò que caldriá diser
#4 qu'ac sabi , te botarai un còp de gascon lo còp que ven. Las videos avian pas per tòca de representar totas las variantas de l'occitan èran sonqu'un eisemple sus la prosodia de la lenga..
embarrat ? caldriá pas desconar tanpauc
#3 " Lo « up to date » es de tròp, en occitan avèm ; al pic de mòda, al mai de mòda e plan d’autres enquèra. "
Plan segur, l'òme ! En occitan, sensa cap dobte, mas aprendrètz que contràriament a çò que semblatz pensar, LA LENGA DE L'OPLO ES PAS L'OCCITAN MAS LA COM ' . D'ont lo "Up to date" que lor vai coma un gant.
#1 ''L’occitan se parla atal ''?????
Ne sabetz pas que n'i a mei d'un????? A noste ne s'i parla pas briga com en la video!!!
Qu'ei dab monde embarrats com vos que la lenga e's moreish...praube occitanisme!
Per çò qui ei de l'article, vertat que ns'arretrobam dab professors qui saban tant per tant parlar occitan...
#2
Lo « up to date » es de tròp, en occitan avèm ; al pic de mòda, al mai de mòda e plan d’autres enquèra.
L’OPLO es l’OPLO, sabèm aperaqui çò qu’es, e fan coma pòdon, segurament mens que çò que voldrian.
Lor podèm far un tuquet de recasts, mas quichar ençus servís pas la lenga occitana, l’occitanisme deu quitar de sompartir lo mond, deuriá mai los recampar, amai se son pas d’un meteis albir
Es pas sul morre dels occitans que cal trucar , levat jornalet, lol, valdriá milhor trobar lèu fach los mejans de nos endevenir, l’enjòc es de salvar nòstra lenga e nòstra cultura, per l’ora se recampa a pro pen 5000 signaturas per contunhar l’estivada, estimi que n’en deuriá aver plan mai a l’abroa de 25 000 signaturas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari