L’Institut d’Estudis Occitans (IEO), per mejan del sieu president Pèire Brechet, a acusat publicament lo president de la Republica Francesa, lo socialista François Hollande, de non complir sas promessas electoralas per rapòrt a las lengas minorizadas de França. Dins aquel sens, l’IEO crei que las darrièras decisions de l’Estat francés meton “l’occitan e las autras lengas dichas regionalas en un grand perilh”.
Lo primièr incompliment flagrant tanh la ratificacion de la Carta Europèa de las Lengas Regionalas o Minorizadas, una de las promessas soslinhadas del candidat socialista. Aquela promessa s’es diluida pauc a cha pauc fins que, lo 13 de març passat, s’es constatat la certitud que la Republica Francesa a pas cap d’intencion de la complir. Lo segond incompliment s’es confirmat qualques jorns puèi, quand lo 19 de març, l’Assemblada Nacionala a aprovat lo projècte de lei per refondar l’escòla francesa amb un contengut que demòra fòrça luènh de las promessas presidencialas.
Segon l’IEO, aquelas “regressions” semblan de respondre a una “volontat deliberada de mòrt programada de la lenga occitana e de sa cultura per part d’un Estat jacobin e centralizaire”. Per tot aquò, lo collectiu occitanista avertís que demorarà pas los braces crosats e anóncia que l’occitanisme defendrà sos dreches fondamentals amb d’accions “a l’auçada de l’evolucion de la situacion”.
L’IEO remembra que pendent los darrièrs ans, se son produsidas de nombrosas manifestacions per tot lo país en demanda d’una nòva legislacion qu’empare las mal nomenadas lengas regionalas. Segon lo comunicat, totas aquelas personas “esperavan amb impaciéncia los actes derivats de sas afirmacions”. Dins aquel sens, Brechet apèla a la mobilizacion de totas las energias occitanas per far un esfòrç de pression suls elegits, e concretament suls senators, per ensajar de corregir la situacion.
Lo primièr incompliment flagrant tanh la ratificacion de la Carta Europèa de las Lengas Regionalas o Minorizadas, una de las promessas soslinhadas del candidat socialista. Aquela promessa s’es diluida pauc a cha pauc fins que, lo 13 de març passat, s’es constatat la certitud que la Republica Francesa a pas cap d’intencion de la complir. Lo segond incompliment s’es confirmat qualques jorns puèi, quand lo 19 de març, l’Assemblada Nacionala a aprovat lo projècte de lei per refondar l’escòla francesa amb un contengut que demòra fòrça luènh de las promessas presidencialas.
Segon l’IEO, aquelas “regressions” semblan de respondre a una “volontat deliberada de mòrt programada de la lenga occitana e de sa cultura per part d’un Estat jacobin e centralizaire”. Per tot aquò, lo collectiu occitanista avertís que demorarà pas los braces crosats e anóncia que l’occitanisme defendrà sos dreches fondamentals amb d’accions “a l’auçada de l’evolucion de la situacion”.
L’IEO remembra que pendent los darrièrs ans, se son produsidas de nombrosas manifestacions per tot lo país en demanda d’una nòva legislacion qu’empare las mal nomenadas lengas regionalas. Segon lo comunicat, totas aquelas personas “esperavan amb impaciéncia los actes derivats de sas afirmacions”. Dins aquel sens, Brechet apèla a la mobilizacion de totas las energias occitanas per far un esfòrç de pression suls elegits, e concretament suls senators, per ensajar de corregir la situacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
tot aquerò que m'estoni !n'ei pas vertat qu'en " occitania" qu'avetz votat a 70 % per Hollande e eths socialistas alavetz qu'avetz çò qu'avetz volut ,perque planhè's
Lo pus triste es de venir , ailas , que, n'aviam la pressentida dempuèi un briu ...
Amb ANI lo PS ven d'autorisar las asseguranças privadas de tocar las cotisacions de la Secu dins lo privat. Se farà en 2016 coma aconsèlha l'UE.
N'en prenon per 30 ans e se creson braves, de menar una politica "coratjosa" los manja merda de l'ENA. Las entrepresas d'Estat EDF o gaireben GDF , o Total (ex ELF) , ASF France Telecom, donadas per Fabius o que te sabi ieu de l'RPR o del PS , van escampar , aquesta annada, prèp de 15milliard d'euròs als acccionaris privats amb l'ajuda dels Moscovici, Fabius , e los autres c... ( e benlèu mai) , de la banda , se creson braves de cercar d'argent a co dels paures, dels caumaires ... Vergonha ....
Ailas lo moviment occitan deu quitar de creire que la solucion vendrà de l'Euròpa de las regions. Èra una polida idèa quora la cortina ferrada espetèt , mas la cortina tombarà pas mai bas. Que l'Euròpa de las regions es pas al programe per deman. Que l'Euròpa de Merkel deu se servar sa posicion reiala. Es una engana vertadièra . L'Euròpa ven de donar la mesura de la sociala amb lo deute de Chipre que representa quitament pas 1% del buget del departament del Naut de Seina. Qual pòt concurénciar d'òmes que trabalhan per un euro per jorn , çò qu'es praquò es la posicion de Barroso , que te far pensar un espavental d'òme .
Jaurès torna.... Lo PS s'en va d'a fons de galis.
E aguèt pas jamai la pensada onèsta de respetar la diversitat.
#2 L'IEO e Pèire Brechet an rason de tenir aqueu discors ferme e exigent. Es una evolucion aürosa de l'IEO.
Lo Flanby ne botas pas sonque l'occitan en perilh, cau saber.
Los socialistas, despuish bèra pausa, son los hossèrs de las bèras idèias de justícia, d'egalitat e de libertat.
Lo lor ròtle qu'ei d'explicar au monde d'esquèrra que cau estar "realista" e desbrembar las idèias progressistas entà alinhà's suu liberalisme economic. Lo Manuel Valls ac digoc clarament shens de s'estujar.
La sola solucion qu'ei un cambiament pregond de l'estructura de la societat : las Federacions de Democracia Locaus.
Cal esperar que los actors d'aquelas lengas "regionalas" se pòscan endevenir totis per far una vertadièra protèsta a París (e non pas una manifestacion ninòia ambe un messatge manhaguet). Çò primièr, nos empachem pas d'anar a Rodés lo 20 d'abrial.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari