Se sarra la 18a edicion de Passa-Pòrts; lo festenal comengés de la cultura occitana se tendrà ongan a Sant Gaudenç del 27 de març al 2 d’abril.
 
Espelit en 2004 a Montrejau, Passa-Pòrts es ara un festenal conegut e reconegut. S’agís d’una veirina de la cultura occitana que s’adreiça als occitans, que sián occitanofòns o pas, per far reviure la passion de la cultura e de la lenga del país.
 
Al programa d’ongan i a una exposicion sul cèl del temps de Gaston Fèbus fins al nòstre pendent tota una setmana que prepausarà de cinèma, de lecturas literàrias, de contes, de concèrts, de conferéncias, d'estagis d’autbòi, d'acordeon, de cant polifonic, de danças de Coserans... A mai, se prevei de caminadas, una brava cantada collectiva e un gran bal occitan.
 
Passa-Pòrts aculhirà tanben, coma es abitual, la dicha Vrespada deths Gafets, ont de collegians e liceans participaràn a una serada de contes per Marc Castanet e a un concèrt d’Arredalh.
 
 
 

---

Mai d’entresenhas e de ligams  utils:
 
— Sit web del festenal
— Descargar lo programa
— S’inscrure als estagis
— Descargar lo repertòri dels cants per la cantada
— Lista de las ostalariás e restaurants près del festenal