Caputs coma un ase, la còla de Lhi Balòs contunhan de cantar lo país en Val Maira. Aital presentan un nòu single inspirat de l'istòria del resistent Sergio Bruna que se concentra sus la figura de l'ase; metafòra d'una societat que, tròp superficialament, nos etiqueta e nos impausa de ròtles predefinits. Aicí pasmens, es gràcias a son testarditge e a sa determinacion que l’animal s’opausa a tot aquò en se rebellant, en perseguissent sos sòmis e en causissent cossí afrontar los desfises que la vida li presenta.
 
Un còp de mai, Lhi Balòs o fan amb l'ironia, la leugieretat, l'umor e lo desir de rompre losestereotipes; de qualitats que los caracterizan dempuèi 17 ans.
 
Las paraulas son en occitan de la Val Maira, e per manténer lor fidelitat a aquel parlar, an beneficiat del sosten de Rosella Pellerino de l’Espaci Occitan  de Draonièr.
 
La musica se caracteriza per la repeticion constanta d'un reef de las sonoritats groove e swing, que daissa plaça a la session novèla de coires del grop qu'a totjorn cercat d'evoluir en tèrmes de composicion e d'influéncias musicalas.
 
Los grafismes son de Michele Bruna, bassista del grop e felen del resistent qu'a inspirat la cançon.

 



 
 
 

fffff		fffff
	L’Ase   Dal cèl blòi d’la Val Maira, tombava plomb s’la mia testa Sentiu lhi subles d’las bombas, coma eslucis en la tempèsta Èra la fin del mes d’avost, d’ilaval lo nemís arribava En mon sang corria la pau, temps que passa e que me frusta   Ases e muls coma companhs, charjats de viures e armas Sus aquel viòl nòstre aleat, lo còl Blins avèm sobrat Ja guichit e esquintat, ai pe dui tòcs d’estrac E s’la via l’argard fièr, un companh teston que cor darrier son sumi   En siei uelhs cerchavo la rason, ele d’ilai volia escapar. Son blocat, arribo pas a capir, mas el volia mec luchar. Sac e mosquet a espala, dapè a nos lo companh teston, sus aquel viòl entre possiera e cars demande ai monts la libertat Beica-lo...beica-lo Beica-lo...cèrcha sa libertat Beica-lo...beica-lo Beica-lo ...son chamin trobarà Beica-lo...beica-lo Beica-lo...dapè a mi restarà Beica-lo...beica-lo Beica-lo...beica-lo  L'Ase(MP3, 46'')