Actualitats
Jorn Internacional dels Dreches de las Femnas: emission especiala sus Ràdio Lenga d’Òc
La jornalista Gisèla Naconaski prepausa uèi un platèl amb de questions suls dreches de las femnas occitanas amb la participacion de divèrsas convidadas
Tèxte legit
La cauma e las questions socialas meton al segond plan lo Jorn Internacional dels Dreches de las Femnas. Pasmens, la jornalista Gisèla Naconaski prepausa uèi una emission especiala sus Ràdio Lenga d’Òc consagrada a aquesta jornada: un platèl amb de questions suls dreches de las femnas occitanas amb la participacion de divèrsas convidadas.
“En situacion excepcionala, fau pas la cauma, al contrari trabalhi encara mai pr’amor que lo sistèma escafa la causa de las femnas en aqueste an 2023. E nos cal parlar mentre que de femnas son tuadas, espeçadas, cremadas, plegadas dins de maletas, desaparegudas, raubadas, amudidas”, çò explica Naconaski.
L’emission serà tota en occitan. E deman serà en francés e espanhòl a prepaus de la prevencion de las violéncias fachas a las femnas, totjorn en dirècte.
Ràdio Lenga d’Òc se pòt escotar sus 95.4fm a Montpelhièr, Seta, Alès e Lodeva; sus 106.1fm a Milhau, sus 91.0fm a Mende, sus 88.5fm a Sant Africa. Dins la rèsta del país, e de la planeta, podètz seguir las emissions en dirècte sus radiolengadoc.com.
“En situacion excepcionala, fau pas la cauma, al contrari trabalhi encara mai pr’amor que lo sistèma escafa la causa de las femnas en aqueste an 2023. E nos cal parlar mentre que de femnas son tuadas, espeçadas, cremadas, plegadas dins de maletas, desaparegudas, raubadas, amudidas”, çò explica Naconaski.
L’emission serà tota en occitan. E deman serà en francés e espanhòl a prepaus de la prevencion de las violéncias fachas a las femnas, totjorn en dirècte.
Ràdio Lenga d’Òc se pòt escotar sus 95.4fm a Montpelhièr, Seta, Alès e Lodeva; sus 106.1fm a Milhau, sus 91.0fm a Mende, sus 88.5fm a Sant Africa. Dins la rèsta del país, e de la planeta, podètz seguir las emissions en dirècte sus radiolengadoc.com.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari