Los estats membres de las Nacions Unidas son arribats a un acòrdi per protegir de mars e d’oceans del Mond entièr. L’acòrdi li dison Tractat sus la Nauta Mar, e se pacha après 15 ans de negociacions. La tòca es de crear mai de zònas protegidas e de capitar a servar lo 30% dels oceans abans 2030. Lo nòu tèxt vòl tanplan protegir e garentir l’usatge responsable de la biodiversitat marina de las aigas que se tròban a mai de 200 milas de la còsta e que, pr’amor que son partejadas per qualques estats, son geridas per d’organismes internacionals. La decision es considerada essenciala per la proteccion de la diversitat marina delà las juridiccions estatalas, compte tengut del fach que, ara per ara, sonque l’1% de la mar es regulat.
 
“Lo naviri es arribat a la còsta.” Aital anonciava lo pache a Nòva York Rena Lee, la presidenta de la Conferéncia Intergovernamentala sus la Biodiversitat Marina dels Airals Fòra de la Juridiccion Nacionala (BBNJ). L’acòrdi arribèt dins la nuèch de dissabte a dimenge, après un debat de 38 oras. Lo darrièr acòrdi datava de fa 40 ans, de l’an 1982. Fins ara, los dreches sus la pesca e lo finançament dificultavan las negociacions. Ara, enfin, a partir de 2030 tota activitat que se faga al fons de la mar deurà observar una tièra de nòrmas environamentalas que garentiràn que s’efectue d’un biais duradís e responsable. Entre d’autras activitats, desenant seràn restrenchas la pesca e la minariá marina.
 
De lor caire, las organizacions ecologistas an celebrat l’acòrdi, que lo veson coma una escasença per poder, fin finala, protegir los oceans.
 

After decades of advocacy, research, speeches, negotiation and drafting the #bbnj treaty has been agreed for adoption. This ship is docked. Congratulations to all who worked to reach this milestone for the #ocean and #biodiversity@mfaftjapic.twitter.com/ucktqeO9tx

— Kurt Davis (@kodavis2) March 5, 2023

 

On vous explique les enjeux du traité sur la protection de la haute mer, négocié aux Nations unies ⤵️https://t.co/qGul2k1fWs

— franceinfo plus (@franceinfoplus) March 4, 2023

 

1/8 📢🚨: Governments @UN have just agreed on a Global Ocean Treaty! 🌍

🎉 This is huge - it’s the biggest conservation victory ever! 🎉

Here’s a 🧵 on how we got here and what it means: pic.twitter.com/kHiv3DOIer

— Greenpeace International (@Greenpeace) March 5, 2023