Le dètz-e-seten carnaval gascon se debanèc a l’Isla de Baish (Savés) le 15 e le 17 de mars 2013, organizat per l’associacion Carnaval Gascon, restacada a l’IEO.
 
Le divendres 15 de mars, estoc le carnaval de las escòlas de 09h00 a 17h00.
 
Son pasmens de 1300 mainatges que se passejèren dins las carrèras e que dancèren sus la plaça de la comuna.
 
Estoc enguan aus 400 liceans de barrar la jornada en tot hèr un “Harlem Shake” o “Harlem-bolèga”. (vidèo)
 
Un gran moment de carnaval dambe la participacion de la polícia municipala!
 
Dumpèi dètz-e-sèt ans e cada annada, la comuna tota entièra de l’Isla de Baish es mes fièra de son carnaval e pren mes conciénça de la sua identitat occitana.
 
 
Contes endeu Carnaval Gascon
 
Aqueth dijaus 21 de heurèr e aqueth divendres 22 de heurèr 2013, estèren presentats a 600 escolans de las escòlas primàrias e deu collègi de l’Isla de Baish, un espectacle de contes en Occitan.
 
Aqueth espectacle es difusit, a gratis, peu Carnaval Gascon, au dihens deus locaus de la MJC de l’Isla de Baish.
 
Les escolans concernits son les de las classas de CM1, CM2 e les que seguissen l’opcion occitan au collègi public o au collègi privat de l’Isla de Baish.
 
Son pas mens de siès representacions sus dus jorns que permetèren aus escolans de l’Isla de Baish d’encontrar l’ambient magic deus nostes contes ancians e modèrnes.
 
Las istòrias deu contaire, seràn bèth-estadas, per l’intervencion d’un musicaire e d’ua plasticiana.
 
Aqueth trio d’artistas veng tot dret deu Bearn: David Bordes, contaire plan conegut dins les Pirenèus; Matèu Baudoin, multi-instrumentista de l’esscèna tradicionala e alternativa; e Coline Hateau, plasticiana remirabla.
 
 
 
 
Olivèr Berard