Actualitats
La linha ferroviària Bordèu-Lion serà dobèrta en estiu de 2024
Programada per junh de 2022, la cooperativa carcinòla la poirà, enfin, inaugurar l’an que ven
Tèxte legit
La linha ferroviària nòrd-occitana entre Bordèu e Lion, relançada per la cooperativa carcinòla Railcoop, serà dobèrta en estiu de 2024, çò rapòrta Reporterre. La decision la validèron mai de l’86% dels votants, pendent l’assemblada generala de la cooperativa lo 22 de febrièr passat. D’en primièr èra programada per junh de 2022, puèi per decembre d’aquela meteissa annada, e puèi encara se remandèt per manca de fonzes. Aqueste còp serà lo bon, çò espèra la cooperativa carcinòla: “A partir de l’estiu de 2024, Railcoop prepausarà un anar-venir sus dos jorns entre Bordèu e Lion (çò es un anar simple per jorn)”. Los bilhets, promeses de bon mercat, seràn dins un primièr temps comercializats a bòrd dels trens e per de partenaris.
Per concretizar sa promessa, la cooperativa deu encara obténer 4,1 milions d’èuros en 2023. Aquela soma permetrà de cobrir los investiments materials e immaterials. La metropòli de Lion a participat a la canhòta en signant, en fin de genièr, una subvencion d’80 000 euros. En parallèl, an menadas doas levadas de fonzes, una en parts socialas, l’autra en títols participatius.
De remembrar que la cooperativa Railcoop relança una linha ferroviària que l’aviá abandonada l’SNCF. Espelida per concebre de servicis ferroviaris adaptats als territòris, Railcoop prepausarà tres trens per jorn qu’uniràn Bordèu e Lion en 6h47 minutas en passant per Liborna, Peireguers, Lemòtges, Sent Superis, Garait, Montluçon, Gatnat, Sant German daus Fossats e Roana.
Railcoop aguèt l’idèa de lançar aquela linha après constatar que “lo mercat província-província en tren classic rèsta largament inesplechat”, coma o disiá son president, Dominique Guerrée. E mai lo trajècte en veitura siá pus cort, Railcoop prepausa de compensar los viatjaires amb un viatge mai confortable plen de servicis a bòrd coma un airal de jòcs pels enfants, de restauracion e un luòc per gardar las bicicletas, los esquís o las planchas de surf.
Activitat de mèrças entre Tolosa e Roergue
En parallèl, Railcoop inaugurèt en novembre de 2021 lo “camin de fèrre ciutadan” entre Tolosa e Capdenac, una linha de mèrças que contribuís a reduire la circulacion dels 700 camions que fasián cada jorn aquel trajècte.
Per concretizar sa promessa, la cooperativa deu encara obténer 4,1 milions d’èuros en 2023. Aquela soma permetrà de cobrir los investiments materials e immaterials. La metropòli de Lion a participat a la canhòta en signant, en fin de genièr, una subvencion d’80 000 euros. En parallèl, an menadas doas levadas de fonzes, una en parts socialas, l’autra en títols participatius.
De remembrar que la cooperativa Railcoop relança una linha ferroviària que l’aviá abandonada l’SNCF. Espelida per concebre de servicis ferroviaris adaptats als territòris, Railcoop prepausarà tres trens per jorn qu’uniràn Bordèu e Lion en 6h47 minutas en passant per Liborna, Peireguers, Lemòtges, Sent Superis, Garait, Montluçon, Gatnat, Sant German daus Fossats e Roana.
Railcoop aguèt l’idèa de lançar aquela linha après constatar que “lo mercat província-província en tren classic rèsta largament inesplechat”, coma o disiá son president, Dominique Guerrée. E mai lo trajècte en veitura siá pus cort, Railcoop prepausa de compensar los viatjaires amb un viatge mai confortable plen de servicis a bòrd coma un airal de jòcs pels enfants, de restauracion e un luòc per gardar las bicicletas, los esquís o las planchas de surf.
Activitat de mèrças entre Tolosa e Roergue
En parallèl, Railcoop inaugurèt en novembre de 2021 lo “camin de fèrre ciutadan” entre Tolosa e Capdenac, una linha de mèrças que contribuís a reduire la circulacion dels 700 camions que fasián cada jorn aquel trajècte.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari