Actualitats
Clarmont d’Erau: mobilizacion per l’occitan al licèu
Coma lo licèu de la vila ven de suprimir lo cursus d’occitan, los parents dels enfants escolarizats en percors bilingüe an lançat una peticion
Tèxte legit
Los parents dels mainatges escolarizats en classa bilingua francés-occitan a Clarmont d’Erau (Lodevés) se mobilizan per que lors enfants pòscan contunhar lo cursus d’occitan. Justament venon de s’assabentar que lo licèu de la vila, René Gosse, a suprimit aquel cursus, e revendican lo drech legitim de perseguir l’ensenhament en la lenga del país. Per tant, an mes en linha una peticion sus Change.org que demanda la signatura de totas las gents solidàrias amb lor revendicacion.
“Aquel ensenhament bilingüe permet de desvolopar en nòstres joves una apeténcia per la cultura, una set d'aprene: sus lor identitat, sus la lenga, sus l'istòria, suls saber-far e sul patrimòni”, çò dison dins la peticion.
Podètz signar sus aqueste ligam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal signar per far plegar l'administracion reaccionària.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari