La polícia alemanda es a enquistar sus la fusilhada que se tenguèt dijòus de ser a Amborg, dins lo nòrd d’Alemanha, dins una Sala del Reialme (glèisa) dels Testimònis de Jeovà amb un tragic bilanç de 7 personas mòrtas e d’una trentena de nafradas. Segon los primièrs elements de l’enquista, l’autor del chaple seriá un èx-membre dels Testimònis de Jeovà de 35 ans, e se comptariá entre los mòrts.
 
Lo cancelièr alemand, Olaf Scholz, a descrich los faches coma “un acte brutal de violéncia” e a agut un remembre per las victimas e lors familhas. Lo cònsol màger de la vila, Peter Tschentscher, a plangut lo dòl de las familhas del temps que la comunautat dels Testimònis de Jeovà disiá dins un comunicat que son plan afectats per aquel “atac òrre” contra sos membres.

 
 


 

 

Die Meldungen aus Alsterdorf / Groß Borstel sind erschütternd. Den Angehörigen der Opfer gilt mein tiefes Mitgefühl. Die Einsatzkräfte arbeiten mit Hochdruck an der Verfolgung des / der Täter & der Aufklärung der Hintergründe. Bitte beachten Sie die Hinweise der @PolizeiHamburg. https://t.co/38UcdguLzH

— Peter Tschentscher (@TschenPe) March 9, 2023