Dimècres passat, 8 de març, l’ÒNU considerèt Afganistan coma “lo país mai repressor del Mond entièr a respècte dels dreches de las femnas”, e las femnas d’aquel país manifestèron d’un biais timid mas fòrça valents. De petits grops de mens de 20 femnas, jonchas per la man, revendiquèron lors dreches, qualques unas per carrièras, d’autras dins de patis, mas en totes los cases amb la tòca de far virar lor protèsta suls rets socials e assabentar totòm qu’elas i son e que se baton per lors dreches mai fondamentals que lor son rebutats.
 
La revendicacion mai escotada èra “non a l’educacion entre las mans dels talibans” o “refusam los talibans”. De fach, dempuèi lor retorn al poder en agost de 2021, los fondamentalistas an progressivament tornat rosegar las libertats conquistadas per las femnas aquestas 20 darrièras annadas. An impausat una sèria de restriccions a la societat civila, dont una granda partida pretendon de sometre las femnas a lor concepcion ultraintegrista de l’islam.
 
Las femnas son exclusas dels emplecs publics, veson limitat lor drech de se desplaçar e enebit l’accès de las dròllas al collègi e al licèu. Lo pòrt del vel integral en public es obligatòri e devon demorar a l’ostal franc de situacions d’urgéncia.
 
Segon l’UNÈSCO, 2 milions e mièg de dròllas e  joventas an agut de quitar los estudis en Afganistan. Ara, a partir de 12 ans, las femnas an pas pus drech d’estudiar.
 
L’enebicion es tanplan arribada a las universitats. Dins un primièr moment, los talibans las daissèron estudiar dins de salas d’estudi separadas dels òmes, mas a partir de decembre passat aquò lor es d’afons interdich. De soslinhar qu’entre 2001 e 2018 una gojata sus tres èra inscricha a l’universitat. Totun, i a dins aquel país un 30% de femnas que son pas jamai anadas a l’escòla. Una donada qu’aumentarà.

 
 

.
8 March means nothing to us, being a woman in the third world is harder than you can imagine, here we are fighting to survive.

Hope for freedom.🇦🇫#afghanistan🇦🇫 #afghanwomen#afghangirls#taliban#peace#war#graphicdesign#artgallerypic.twitter.com/uTsKR471N1

— Tahera n.m (@niktahera1) March 8, 2023

Afghanistan women have been deprived of education, work and freedom by the Taliban for more than a year. This day is March 8. The day when Afghanistan women are deprived of all their rights.#StopHazaraGenocidepic.twitter.com/oOAMvSkzNq

— 𝘼𝙧𝙖𝙨𝙝 𝙈𝙚𝙝𝙧𝙗𝙖𝙣 (@CharlesBrightA) March 8, 2023

 

Afghanistan women have been deprived of education, work and freedom by the Taliban for more than a year.
This day is March 8. The day when Afghanistan women are deprived of all their rights. pic.twitter.com/TGcMCZPFwt

— Somaia🌲🌲🌲 (@Somi_Valizadeh) March 8, 2023

 

Afghanistan women started a protest against the Taliban-led government on March 8, the day the world spoke out in favour of women’s rights, demanding rights to education and employment.https://t.co/DnqiMcKXz2

— Khaama Press (KP) (@khaama) March 10, 2023