Actualitats
Tolosa: violéncia desmesurada de la seguretat privada contra los estudiants en cauma
Los estudiants capitèron a expulsar los agents de la seguretat sens violéncia, gràcias a lor superioritat numerica
Tèxte legit
Los estudiants de l’Universitat Joan Jaurés de Tolosa, embarrats dempuèi una setmana per protestar contra la reforma de las pensions, venon de patir una violéncia desmesurada de la seguretat privada de l’establiment. D’efièch, la presidéncia de l’universitat cridèt los agents de seguretat, que se presentèron dimenge passat, 12 de març, devèrs 13h. Aquestes aluquèron l’alarma d’incendis de la bastissa ont se trobavan los estudiants, i intrèron e comencèron de lançar de taulas e de cadièras, empleguèron una cadena per intimidar, los insultèron e quitament los menacèron de mòrt.
Los estudiants negocièron amb lo cap de la seguretat, mas coma lors demandas foguèron ignoradas, los estudiants capitèron a expulsar los agents de seguretat sens violéncia, gràcias a lor superioritat numerica.
Es pas lo primièr còp qu’aquelas fòrças de seguretat se mòstran tant agressivas dins l’universitat, e los estudiants exigisson doncas ara que s’utilize pas pus la seguretat privada per reprimir los movements d’estudiants.
Los estudiants negocièron amb lo cap de la seguretat, mas coma lors demandas foguèron ignoradas, los estudiants capitèron a expulsar los agents de seguretat sens violéncia, gràcias a lor superioritat numerica.
Es pas lo primièr còp qu’aquelas fòrças de seguretat se mòstran tant agressivas dins l’universitat, e los estudiants exigisson doncas ara que s’utilize pas pus la seguretat privada per reprimir los movements d’estudiants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 - on son los occitanistas a jean jaurès???
N'èi pas lo nombre exact mes lo despartament d'occitan que representa un percentatge petit de la popuiacion generala de l'universitat deu Miralh qui ei de 27 500 estudiant.a.s segon wikipedia e de 32 000 a la rentrada 2021 segon la Dépèche.
... Lhèu i a chic o pas d'occitanistas dens las accions de blocatge o lhèu e n'i a mes en minoritat.
Quina vergonha! mas perqué muishar una video en francés? on son los occitanistas a jean jaurès???
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari