Actualitats
Vitòria amassarà en julhet 75 joves activistas e locutors de lengas minorizadas
Es dobèrt lo periòde per sollicitar la participacion a l'amassada internacionala HIGA
Tèxte legit
A l'entorn de 75 joves locutors e activistas de lengas minorizadas s'amassaràn a Vitòria (Bascoat) en julhet, dins la quatrena edicion de l'Amassada Internacionala de Locutors de Lengas Minorizadas (HIGA segon sa sigla en basco). L’eveniment cèrca de crear un ret de contactes de locutors e d’activistas d’aquelas lengas e de lor prepausar de formacion, compreses de parladisses e d’obradors.
Lo comitat organizaire a dobèrt fins al 16 d’abril lo procès de seleccion dels participants, que se tendrà segon lo “critèri principal” de “garentir la diversitat de tota sòrta de participants”.
La primièra edicion d’aquela amassada se realizèt en 2011. En 2018 se tenguèt la segonda, que se faguèt sonar HIGA. La comuna de Vitòria decidiguèt qu'a partir d'alavetz se’n fariá una cada dos ans. La tresena, prevista per 2020, la calguèt remandar en 2021 e se faguèt en linha a causa de la pandemia de la covid.
Aquesta nòva es adaptada de Nationalia amb qui Jornalet ten un acòrdi de cooperacion.
Lo comitat organizaire a dobèrt fins al 16 d’abril lo procès de seleccion dels participants, que se tendrà segon lo “critèri principal” de “garentir la diversitat de tota sòrta de participants”.
La primièra edicion d’aquela amassada se realizèt en 2011. En 2018 se tenguèt la segonda, que se faguèt sonar HIGA. La comuna de Vitòria decidiguèt qu'a partir d'alavetz se’n fariá una cada dos ans. La tresena, prevista per 2020, la calguèt remandar en 2021 e se faguèt en linha a causa de la pandemia de la covid.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'article ditz pas se de joves venguts dels Paises d'Oc seràn presents e qual sera presentit e cossi se farà la seleccion ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari